বৰপেটাত ভূমিকেন্দ্ৰিক সংঘাত : আহত ৬

বৰপেটাত ভূমিকেন্দ্ৰিক সংঘাতৰ ফলত 6 জনকৈ লোক আহত হৈছে ৷ আহতসকলক চিকিৎসাৰ বাবে আলোপতি স্বাস্থ্যকেন্দ্ৰত ভৰ্তি কৰোৱা হৈছে ৷

গোৱালপাৰা, 18 নৱেম্বৰ : গোৱালপাৰা জিলাৰ সীমান্তৱৰ্তী বৰপেটা জিলাৰ আলোপতি আৰক্ষী থানাৰ অন্তৰ্গত ভাতনাপাইতিত সংঘটিত হৈছে ভূমিকেন্দ্ৰিক সংঘাত ৷ একেটা পৰিয়ালৰে সদস্যৰ মাজত সংঘটিত সংঘাতৰ ফলত 6 জনকৈ পুৰুষ-মহিলা আহত হৈছে ৷ আহতসকল হৈছে ক্ৰমে, আব্দুৰ ৰহিম, হাচেন আলী, পণ্ডিত আলী, ছকিনা খাতুন, জয়ফুল নেচা আৰু ৰহিমন নেচা ৷ আহতসকলক আলোপতি প্ৰাথমিক স্বাস্থ্যকেন্দ্ৰত ভৰ্তি কৰোৱা হৈছে যদিও উন্নত চিকিৎসাৰ বাবে পণ্ডিত আলী নামৰ লোকজনক গুৱাহাটী মেডিকেল কলেজলৈ প্ৰেৰণ কৰা হৈছে ৷

দীৰ্ঘদিনীয়া এই বিবাদ মীমাংসাৰ বাবে আৰক্ষী থানাত কেইবাবাৰো পৰিয়ালৰ সদস্যসকলে এজাহাৰ দাখিল কৰিছিল যদিও আৰক্ষীয়ে কোনো ব্যৱস্থা গ্ৰহণ নকৰাৰ অভিযোগ উত্থাপিত হৈছে ৷ আলোপতি আৰক্ষীৰ অৱহেলাৰ বাবেই মাৰপিটৰ ঘটনা সংঘটিত হোৱাৰ অভিযোগ পৰিয়ালটোৰ ৷

আৰু পঢ়ক : মাস্ক পৰিধান কৰি প্ৰতিবাদত বহিল গৌৰৱ গগৈ