নাই পথ, আছে নাও

গোৱালপাৰাৰ লক্ষীপুৰ আৰক্ষী থানাৰ অধীনস্থ গুৰিয়া ঢাপ গাঁও পঞ্চায়তৰ বৰোমাৰু গাঁৱৰ ৰাইজে আশা কৰি আছে এটা পথৰ অপেক্ষাত

পশ্চিম গোৱালপাৰা, 09 আগষ্টঃ গোৱালপাৰাৰ লক্ষীপুৰ আৰক্ষী থানাৰ অধীনস্থ গুৰিয়া ঢাপ গাঁও পঞ্চায়তৰ বৰোমাৰু গাঁৱত এতিয়াও আগুৰি আছে পানীয়ে । বাৰিষা আহিলেই দ্বীপত পৰিণত হোৱা গাঁও খনৰ প্ৰায় প্ৰতিটো পৰিয়ালৰ যাতায়তৰ একমাত্ৰ মাধ্যম হ'ল নাও বা কলৰ ভূঁৰ । আনহাতে খৰালি পানী শুকাই যোৱাৰ পিছত পথাৰৰ মাজেৰে যাত্ৰা কৰিব লাগে গাঁৱৰ ৰাইজে ৷ উল্লেখযোগ্য যে, দীৰ্ঘদিন ধৰি গাঁওবাসীয়ে যাতায়তৰ বাবে পথৰ দাবী কৰি অহা স্বত্বেও আজিলৈকে গাঁওবাসীৰ এই দাবী পূৰ নহ'ল ৷ তাৰ পাছতো বৰোমাৰুবাসীয়ে এতিয়াও পথটোৰ বাবে চৰকাৰ তথা বিভাগীয় কৰ্তৃপক্ষৰ গুৰুত্ব লাভৰ বাবে অপেক্ষা কৰি আছে ৷