গোৱালপাৰা, 15 ডিচেম্বৰ : গোৱালপৰীয়া যুৱ সমাজ জে এফ ফাউণ্ডেশ্যন আৰু সংখ্যালঘু উন্নয়ন সমাজ কল্যাণ সমিতিৰ সৌজন্যত ওৱেষ্ট গোৱালপাৰা মহাবিদ্যালয় প্ৰেক্ষাগৃহত মঙলবাৰে এখন সজাগতামূলক সভা অনুষ্ঠিত হয় । মঙলবাৰৰ সজাগতা সভাৰ মুখ্য অতিথি হিচাপে অংশগ্ৰহণ কৰে আন্তঃৰাষ্ট্ৰীয় ব্যৱসায়ী হাবিব মহম্মদ চৌধুৰীয়ে । সংখ্যালঘু উন্নয়ন সমাজ কল্যাণ সমিতি আৰু জে এফ ফাউণ্ডেশ্যনৰ মুৰব্বী হৈছে আন্তঃৰাষ্ট্ৰীয় ব্যৱসায়ী হাবিব মহম্মদ চৌধুৰী ।
সংখ্যালঘু ৰাইজৰ মাজত সজাগতা সৃষ্টিৰ প্ৰয়াস আন্তঃৰাষ্ট্ৰীয় ব্যৱসায়ী হাবিব মহম্মদ চৌধুৰীৰ
সংখ্যালঘু ৰাইজৰ বিভিন্ন ধৰণৰ সমস্যাৰ বুজ লবলৈ চৌধুৰীয়ে নামনি অসমৰ বিভিন্ন প্ৰান্তত আকাশ মাৰ্গেৰে হেলিকপ্টাৰ লৈ সংখ্যালঘু প্ৰধান বিভিন্ন অঞ্চলত উপস্থিত হয়গৈ ৷ লগতে ৰাইজৰ সমস্যা সমূহক কেনেকৈ সমাধান কৰিব পাৰি সেই সন্দৰ্ভত সজাগতা সভাৰো আয়োজন কৰে ৷