গোৱালাপাৰৰ ৰংজুলিত শোকাৱহ বাছ দুৰ্ঘটনাঃ এইপৰ্যন্ত নিহত 6 জন

10:28 February 04

হতাহতৰ সংখ্যা বৃদ্ধি পোৱাৰ আশংকা

গোৱালপাৰা, 4 ফেব্ৰুৱাৰীঃ গোৱালপাৰা জিলাৰ ধূপধৰাৰ কোঠাকুঠিত মঙলবাৰে পুৱা সংঘটিত হোৱা ভয়ংকৰ বাছ দুৰ্ঘটনাত  থিতাতে নিহত হয় ৬ জনকৈ যাত্ৰী ৷ গুৰুতৰ ভাবে আহত হয় আন কেবাজনো লোক ৷ হতাহতৰ সংখ্যা বৃদ্ধি হোৱাৰ আশংকা এতিয়াও ঘনীভূত হৈ আছে ৷

ধুবুৰীৰ পৰা গুৱাহাটী অভিমুখী AS01-BC2848 নম্বৰৰ বাছখনে নিয়ন্ত্ৰণ হেৰুৱাই পথৰ কাষত থকা বিদ্যুতৰ খুঁটাত খুন্দিয়াই আৰু পথৰ দ-খাৱৈত বাগৰি পৰে ৷ ফলত বাছত থকা ৬ জন যাত্ৰী থিতাতে নিহত হোৱাৰ লগতে কেইবাজনো যাত্ৰী আহত হয়। আহত লোকসকলক আৰক্ষীৰ সহযোগত স্থানীয় ৰাইজে ৰংজুলি প্ৰাথমিক স্বাস্থ্য কেন্দ্ৰত ভৰ্তি কৰোৱাই যদিও ৪ জনক উন্নত চিকিৎসাৰ বাবে গোৱালপাৰা অসামৰিক চিকিৎসালয়লৈ প্ৰেৰণ কৰা হৈছে, নিহত লোকসকলক মৰণোত্তৰ পৰীক্ষাৰ বাবে গোৱালপাৰা চিকিৎসালয়লৈ প্ৰেৰণ কৰে।