গোৱালপাৰা, ১৩ এপ্ৰিল : দেশজুৰি লকডাউন চলি থকাৰ সময়তে খাদ্য সংকটত ভুগিছে গোৱালপাৰা চহৰৰ বহু লোক । সেয়েহে সামান্য পৰিমানে সাহায্য আগবঢ়াবলৈ আগবাঢ়ি আহিল গোৱালপাৰা জিলাৰ ছাত্ৰ মুক্তি সংগ্ৰাম সমিতিৰ জিলা সভাপতি আমিনুল ইছলামে ।
সোমবাৰে দিনৰ ভাগত জিলাখনৰ বালিজানা আৰু মাটীয়া ৰাজহ চক্ৰৰ অন্তৰ্গত মুঠ এহেজাৰ পৰিয়ালৰ মাজত আমিনুল ইছলামে যোগান ধৰে খাদ্য সামগ্ৰী । দুখীয়া লোকসকলক বিতৰণ কৰা খাদ্য সামগ্ৰীৰ টোপোলাত আছে চাউল, আলু, নিমখ আৰু শাক-পাচলি । লগতে বিভিন্ন দল সংগঠনক তেওঁ আহ্বান জনাই যে, এই সময়ছোৱাত সকলোৱে মিলিজুলি দুখীয়া লোকসকলৰ মাজত খাদ্য সামগ্ৰী বিতৰণ কৰিব লাগে ।
