এজাক বৰষুণতে কৃষ্ণাইত কৃত্ৰিম বান

নিশা অহা এজাক বৰষুণতে গোৱালপাৰাৰ কৃষ্ণাই অঞ্চলত সৃষ্টি হয় কৃত্ৰিম বান সদৃশ পৰিস্থিতিৰ ৷ নলা-নৰ্দমাৰ কোনোধৰণৰ ব্যৱস্থা নথকাত এনে পৰিস্থিতিৰ সৃষ্টি ৷

গোৱালপাৰা, 29 এপ্ৰিল : নিশা অহা এজাক বৰষুণতে গোৱালপাৰাৰ কৃষ্ণাই অঞ্চলত সৃষ্টি হয় কৃত্ৰিম বানৰ ৷ দুধনৈ বিধানসভা সমষ্টিৰ অন্তৰ্গত কৃষ্ণাই বজাৰ অঞ্চলত কোনোধৰণৰ নলা-নৰ্দমাৰ ব্যৱস্থা নথকাত বৰষুণৰ পানী জমা হৈ ৰাইজৰ বাবে সমস্যাৰ সৃষ্টি কৰে ৷

গড়কাপ্তানি বিভাগ আৰু জিলা প্ৰশাসনে অঞ্চলটোত নলা নিৰ্মাণৰ ক্ষেত্ৰত বৰ্তমানেও কোনোধৰণৰ ব্যৱস্থা কৰা নাই ৷ ফলত প্ৰবল বাৰিষাত কৃষ্ণাই বজাৰত অধিক কৃত্ৰিম বানৰ সম্ভাৱনাত শংকিত হৈ পৰিছে অঞ্চলটোৰ ৰাইজ ৷