ৰাজ্যত অব্যাহত আছে বৰদৈচিলাৰ তাণ্ডৱ

শনিবাৰে গোৱালপাৰা,বিলাসীপাৰাৰ বিস্তীৰ্ণ অঞ্চলত বৰদৈচিলাৰ তাণ্ডৱ । নিশা অহা প্ৰচণ্ড ধুমুহা আৰু শিলাবৃষ্টিৰ ফলত বিস্তৰ ক্ষতি সাধন ।

বিলাসীপাৰা,১৯ মে' : ৰাজ্যত কমা নাই বৰদৈচিলাৰ ধ্বংসলীলা । এতিয়াও ঠাইয়ে ঠাইয়ে অব্যাহত আছে বৰদৈচিলাৰ তাণ্ডৱ । শনিবাৰে নিশা প্ৰচণ্ড ধুমুহাৰ ফলত বিস্তৰ ক্ষতিসাধন হয় বিলাসীপাৰা আৰু গোৱালপাৰাৰ বহুকেইটা অঞ্চলত। ধুমুহাৰ ফলত বহু ঘৰৰ ওপৰত প্ৰকাণ্ড গছ সমূহ ভাঙি পৰে । উৰুৱাই নিয়ে বহু ঘৰৰ মুধচৰ লগতে ঘৰৰ ওপৰত মোৱাইলৰ টাৱাৰো ভাঙি পৰাৰ ঘটনা সংঘটিত হয়| ইয়াৰোপৰি বহু ঠাইত ছিঙি পৰে বিদ্যুতৰ খুঁটা |

পথৰ ওপৰত গছ ভাঙি পৰি ঠাইয়ে ঠাইয়ে যোগাযোগ বিচ্ছিন্ন হোৱাৰ লগতে ব্যাহত হৈ পৰিছে বিদ্যুত ব্যৱস্থা । গোৱালপাৰা জিলাতো শিমলীতোলা, বৰপথাৰ, টিপলাই আদি অঞ্চলত বহু পৰিয়ালৰ ঘৰ দুৱাৰৰ ক্ষতিসাধন কৰে এই বিধ্বংসী ধুমুহাই ।