গোৱালপাৰাৰ জলেশ্বৰত ভোটাৰৰ লানি নিছিগা শাৰী

গোৱালপাৰা জলেশ্বৰ সমষ্টিৰ ভোটগ্ৰহণ কেন্দ্ৰ সমূহতো ৰাতিপুৱাৰে পৰা ভোটাৰৰ লানি নিছিগা শাৰী৷ প্ৰতিটো ভোটগ্ৰহণ কেন্দ্ৰত উৎসৱ মুখৰ পৰিৱেশ ৷

গোৱালপাৰা, 23 এপ্ৰিলঃ হিলদল ভাঙি ভোটাধিকাৰ সাব্যস্ত কৰিবলৈ ওলাই আহিল ৰাজ্যৰ জনসাধাৰণ৷ গোৱালপাৰা জলেশ্বৰ সমষ্টিৰ ভোটগ্ৰহণ কেন্দ্ৰ সমূহতো ৰাতিপুৱাৰে পৰা ভোটাৰৰ লানি নিছিগা শাৰী৷ প্ৰতিটো ভোটগ্ৰহণ কেন্দ্ৰত উৎসৱ মুখৰ পৰিৱেশ ৷ বিশেষকৈ পুৰুষ ভোটাৰতকৈ মহিলা ভোটাৰৰ মাজত দেখিবলৈ পোৱা গৈছে বেছি উছাহ ৷

এই দৃশ্য 39 নং জলেশ্বৰ বিধান সভা সমষ্টিৰ অন্তৰ্গত ভিন্ন ভোটগ্ৰহণ কেন্দ্ৰৰ ৷ পুৱাৰে পৰা পুৰুষৰ সমান্তৰালকৈ শ শ মহিলা ভোটাৰে শাৰী পাতি ভোটাধিকাৰ সাব্যস্ত কৰিছে ৷ উল্লেখযোগ্য যে পূৰ্বৱৰ্তী বিধানসভা নিৰ্বাচনত অসমৰ ভিতৰত সৰ্বাধিক ভোটদান কৰি শীৰ্ষস্থান দখল কৰিছিল জলেশ্বৰ সমষ্টিৰ ভোটাৰে ৷