৮ মাৰ্চ, ফেব্ৰুৱাৰীঃ গোৱালপাৰা জিলাৰ লক্ষীপুৰত শুকুৰবাৰে সন্ধিয়া সংঘটিত দুৰ্ঘটনাত মৃত্যু হয় হয় দুই শিশু কন্যাৰ। ঘটনা সন্দৰ্ভত জানিব পৰা মতে লক্ষীপুৰ আৰক্ষী থানাৰ অন্তৰ্গত খাৰুভাজ পথত নম্বৰবিহীন এখন ট্ৰেক্টৰে এটি কন্যা শিশুক মহতিয়াই নিয়ে । ফলত থিতাতে নিহত হয় উম্মেচালমা নামৰ এগৰাকী চাৰি বছৰীয়া শিশু।
আনহাতে প্ৰায় একেটা সময়তে লক্ষীপুৰ - বলাইখামাৰ গড়কাপ্তানি পথৰ মেধিপাৰাতো সংঘটিত হয় পথ দুৰ্ঘটনা ।কৃষ্ণাইৰ - লক্ষীপুৰ গড়কাপ্তানি পথেৰে লক্ষীপুৰ অভিমূখে আহি থকা এ এছ -১৮ চি - ৯২৭৭ নম্বৰৰ মালভৰ্ত্তি ব'লেৰো পিক আপ বাহন এখনে মেধিপাৰাত কৌশিক ৰাভা নামৰ এগৰাকী তিনি বছৰীয়া শিশুক মহতিয়াই নিয়াৰ ফলত মৃত্যু হয় শিশুটিৰ। দুৰ্ঘটনাগ্ৰস্ত বাহন দুখন আৰক্ষীয়ে ইতিমধ্যে জব্দ কৰি চালক দুজনক গ্ৰেপ্তাৰ কৰা বুলি জানিব পৰা গৈছে।
