এছিয়া বুক অফ ৰেকৰ্ডছত স্থান লাভ বৰপথাৰৰ যুৱকৰ

শেহতীয়াকৈ এছিয়া বুক অফ ৰেকৰ্ডছত স্থান লাভ কৰে বৰপথাৰৰ এজন যুৱকে ৷ বিৰতি অবিহনে প্ৰশান্তই কেইবাটাও ইভেণ্ট সম্পন্ন কৰাৰ বাবে প্ৰদান কৰা হয় এই সন্মান ৷

সৰুপথাৰ,21 জানুৱাৰীঃ ধনশিৰি মহকুমাৰ বৰপথাৰৰ উদ্যমী যুৱক প্ৰশান্ত কুমাৰ দাসে এছিয়া বুক অফ ৰেকৰ্ডছত নিজৰ নাম অন্তৰ্ভুক্ত কৰিবলৈ সক্ষম হৈছে । বিৰতি অবিহনে প্ৰশান্তই কেইবাটাও ইভেণ্ট সম্পন্ন কৰাৰ বাবে প্ৰদান কৰা হয় এই সন্মান ৷ বিগত বৰ্ষৰ ২৩ ছেপ্তেম্বৰৰ পুৱা উৰিয়ামঘাটৰ যোৰ দলঙৰ পৰা বৰপথাৰলৈ একেৰাহে ২২.৫ কিল’মিটাৰ খোজকঢ়াৰ উপৰিও শাৰিৰীক অনুশীলন প্ৰদৰ্শন কৰিছিল যুৱকজনে ৷ পূৰ্বতেও এনেধৰণৰ পদক্ষেপৰ বাবে ইণ্ডিয়া বুক অফ ৰেকৰ্ডছত যুৱকজনৰ নাম অন্তৰ্ভুক্ত হৈছে ৷

ধনশিৰি উদ্যোগিক প্ৰশিক্ষণ প্ৰতিষ্ঠানৰ প্ৰশিক্ষক প্ৰশান্ত কুমাৰ দাস বৰপথাৰ নগৰৰ চাৰি নং ৱাৰ্ডৰ বাসিন্দা । লগতে যুৱকজন খ্যাতিসম্পন্ন বক্সাৰ লাভলীনা বৰগোঁঁহাইৰ বক্সিঙৰো আদিগুৰু । প্ৰশান্তৰ দ্বাৰা লিখিত কেইবাটাও প্ৰবন্ধ ইতিমধ্যে আন্তৰ্জাতিক আলোচনীত প্ৰকাশ পাইছে ৷ যাৰ বাবে ব্ৰিটেইনৰ এখন বিশ্ববিদ্যালয়ে যুৱকজনক ডক্টৰেট ডিগ্ৰী প্ৰদান কৰে।

লগতে চাওকঃগণৰাজ্য দিৱসৰ প্ৰাকক্ষণত চৰাইদেউত বোমা বিষ্ফোৰণ