বিষাক্ত কাঠফুলাই পুনৰ প্ৰাণ ল'লে এগৰাকী মহিলাৰ

যোৱা ১৩ এপ্ৰিলত ডিমা হাছাওত বিষাক্ত কাঠফুলা খাই প্ৰাণ হেৰুৱাইছিল এজন লোকে (One died after consuming poisonous mushrooms) । অসুস্থ হৈ পৰিছিল ৮ গৰাকীকৈ লোক । চিকিৎসাধীন এগৰাকীৰ মঙলবাৰে মৃত্যু ঘটে হাফলং অসামৰিক চিকিৎসালয়ত ।

ডিমা হাছাও, ১৯ এপ্ৰিল :অব্যাহত আছেকাঠফুলাৰ ট্ৰেজেডী । চিকিৎসাধীন অৱস্থাতে পুনৰ প্ৰাণ হেৰুৱালে এগৰাকী মহিলাই । ডিমা হাছাও জিলাৰ উদ্যোগ নগৰী হিচাপে পৰিচিত উমৰাংচুৰ ৮ কিলো অঞ্চলত ১৩ এপ্ৰিলত বিষাক্ত কাঠফুলা খাই অসুস্থ হৈ পৰিছিল ৮ গৰাকীকৈ লোক ৷ তদুপৰি প্ৰাণ হেৰুৱাইছিল এগৰাকীয়ে ।

গুৰুতৰভাৱে অসুস্থ ৮ গৰাকীকৈ লোকক চিকিৎসা প্ৰদান কৰি থকা হৈছিল যদিও ইয়াৰে দুগৰাকীৰ অৱস্থা সংকটজনক বুলি চিকিৎসকে প্ৰকাশ কৰে । কিন্তু মঙলবাৰে পুৱা সুজাতা তামং নামৰ মহিলাগৰাকীৰ মৃত্যু ঘটে ।

লগতে চাওক:দুলীয়াজানত বিষাক্ত কাঠফুলা খাই তিনিজনৰ মৃত্যু

বৰ্তমান ৭ গৰাকী ৰোগীক চিকিৎসা প্ৰদান কৰি থকা হৈছে যদিও ইয়াৰে এগৰাকীৰ অৱস্থা বৰ্তমানেও সংকটজনক বুলি জানিব পৰা গৈছে(7 still sick after eating poisonous mushrooms) । উল্লেখ্য যে, পূৰ্বেও বিষাক্ত কাঠফুলা খাই কেইবাজনো লোকে প্ৰাণ হেৰুৱাইছিল অঞ্চলটোত । সেয়েহে চিকিৎসক তথা সচেতন লোকসকলে সকলোকে সজাগ হ'বলৈ আহ্বান জনাইছে ।

লগতে পঢ়ক:বিষাক্ত কাঠফুলা খাই ডিমা হাছাওত মৃত্যু এজনৰ