ডিমা হাছাও, 13 অক্টোবৰ : ৰাজ্যত বিধানসভা নিৰ্বাচন সমাগত । 2021 চনত ৰাজ্যত বিধানসভা নিৰ্বাচন অনুষ্ঠিত হ’ব । আগন্তুক নিৰ্বাচনৰ প্ৰতি লক্ষ্য ৰাখি ডিমা হাছাও জিলাত বিজেপি দলে সম্পূৰ্ণ প্ৰস্তুতি আৰম্ভ কৰিছে । লগতে বিৰোধী কংগ্ৰেছ দলেও নিৰ্বাচনৰ প্ৰতি লক্ষ্য ৰাখি ইতিমধ্যে প্ৰস্তুতি আৰম্ভ কৰিছে । মঙলবাৰে ডিমা হাছাও জিলা বিজেপিৰ সভাপতিয়ে সংবাদমাধ্যমৰ আগত কয় আগন্তক বিধানসভা নিৰ্বাচনত 16 নং হাফলং বিধানসভা সমষ্টিত বিজেপিৰ প্ৰাৰ্থীত্ব কোনে লাভ কৰিব সেয়া এতিয়াও চূড়ান্ত হোৱা নাই ।
মঙলবাৰে ডিমা হাছাও জিলা বিজেপিৰ সভাপতি ধনপাইনন থাওচেনে সংবাদমাধ্যমৰ আগত কয় যে, এতিয়াও বিধানসভা নিৰ্বাচনৰ বাবে 6 মাহ বাকী আছে যাৰ বাবে 16 নং হাফলং এছ টি বিধানসভা সমষ্টিৰ বিজেপি দলৰ প্ৰাৰ্থীত্ব লৈ এতিয়া দলীয় ভাবে কোনো সিদ্ধান্ত হোৱা নাই বা সেয়া লৈ এতিয়া জিলা পৰ্যায়ত দলীয় ভাবে কোন আলোচনা অনুষ্ঠিত হোৱা নাই ।