ডিমা হাছাও, 26 মে': হাফলঙৰ পৰা 120 কিলোমিটাৰ আঁতৰৰ দিয়ুংবৰা অঞ্চলৰ হামৰুদিছা গাঁৱত প্ৰচণ্ড ধুমুহা আৰু বৰষুণে ব্যাপক তাণ্ডৱ চলাইছে বুলি জানিব পৰা গৈছে । ধুমুহাৰ ফলত গাঁও খনৰ 6 টাকৈ বাসগৃহৰ ব্যাপক ক্ষতি হয় ।
ধুমুহাৰ ফলত হামৰুদিছা গাঁৱৰ ক্ষতিগ্ৰস্থ লোক সকল হৈছে বিলাল হোজাই, অপ্সৰাম গিৰীচা, বিকাশ হাগজাৰ, বিক্ৰম হোজাই, ৰূপচান্দ লাংথাছা, ডাইমেনচিনাল লাংথাছা । উল্লেখ্য যে, ইয়াচ ঘূৰ্ণী বতাহক লৈ ডিমা হাছাও জিলাত সতৰ্কতা জাৰি কৰিছে ডিমা হাছাও জিলা প্ৰশাসন আৰু দুৰ্যোগ প্ৰশমন বিভাগে ।