বিধায়ক শিলাদিত্যৰ শেহতীয়া বিতৰ্কিত মন্তব্যক লৈ ডিমাছা ছাত্ৰ সন্থাৰ প্ৰতিক্ৰিয়া

স্বনামধন্য কবি ছৈয়দ আব্দুল মালিকৰ সন্দৰ্ভত অলপতে বিধায়ক শিলাদিত্য দেৱে কৰা বিৰূপ মন্তব্যৰ প্ৰসংগত প্ৰতিক্ৰিয়া ব্যক্ত কৰিলে ডিমাছা ছাত্ৰ সন্থাৰ উপদেষ্টা প্ৰফুল্ল হাফিলাৰে । বিধায়ক গৰাকীৰ এনে বিৰূপ মন্ত্যব্যক গৰিহনা দিয়াৰ লগতে অসমৰ এগৰাকী বৰেণ্য ব্যক্তিৰ ওপৰত কি ধৰণে এনে মন্তব্য কৰিব পাৰিলে তাক লৈ আশ্বৰ্য প্ৰকাশ কৰিলে ডিমাছা ছাত্ৰ সন্থাৰ এইগৰাকী উপদেষ্টাই ।

হাফলং,১০আগষ্ট: ছৈয়দ আব্দুল মালিক কেৱল এগৰাকী সাহিত্যিকেই নহয়, তেখেত এগৰাকী অসমীয়া সাহিত্যৰো মালিক । মানুহ, মানৱতা, স্বদেশ প্ৰেম আৰু জীৱন সংগ্ৰামৰ পটভূমিত ৰচিত তেওঁৰ অমৰ সৃষ্টিৰ মাজতে প্ৰতিফলিত হৈ আছে অসমীয়া সমাজ আৰু জাতীয় জীৱন ।

এনে এগৰাকী স্বনামধন্য ব্যক্তিৰ ওপৰত হোজাইৰ বিজেপি বিধায়ক শিলাদিত্য দেৱে কৰা বিৰূপ মন্ত্যব্যক লৈ ডিমাছা ছাত্ৰ সন্থাৰ উপদেষ্টা প্ৰফুল্ল হাফিলাৰে কৰিলে প্ৰতিক্ৰিয়া ।

বিধায়ক শিলাদিত দেৱে অসমৰ এগৰাকী বৰেণ্য ব্যক্তিক কি সাহসেৰে এনেদৰে বিৰূপ মন্তব্য কৰিব পাৰিলে বুলি কৈ হাফিলাৰে ক'লে এইয়া সঁচাকৈয়ে দূৰ্ভাগ্যজনক । লগতে ক'লে, বিধায়ক গৰাকীৰ এনে নিচ চিন্তাধাৰাক গৰিহণা দিছো । পৰৱৰ্তী দিনত বিধায়ক গৰাকীক এনে ধৰণৰ মন্তব্য নিদিবৰ বাবেও সকিয়াই দিলে ডিমাছা ছাত্ৰ সন্থাৰ উপদেষ্টা প্ৰফুল্ল হাফিলাৰে ।