ডিমা হাছাও, 19 জুন:প্ৰকৃতিৰ ৰোষত দ্বিতীয়বাৰ ডিমা হাছাও (Natural disaster in Dima Hasao) ৷ বান আৰু ভূমিস্খলনৰ ফলত ডিমা হাছাও জিলাত (Erosion in Dima Hasao )এতিয়া ভয়ংকৰ অৱস্থাৰ সৃষ্টি হৈছে ৷ এমাহৰ ভিতৰতে দুবাৰকৈ প্ৰাকৃতিক দুৰ্যোগৰ কবলত পৰি সম্পূৰ্ণৰূপে বিধস্ত হৈ পৰিছে পাহাৰৰ ৰাণী খ্যাত ডিমা হাছাও ।
ভূমিস্খলন আৰু বানৰ কৱলত পৰি কেইবা শতাধিক লোক এতিয়া গৃহহীন হৈ আশ্ৰয় লৈছে বিভিন্ন আশ্ৰয় শিবিৰত । শনিবাৰে দিয়ুংবৰা অঞ্চলৰ আশ্ৰয় শিবিৰ পৰিদৰ্শন কৰি ৰাজ্যৰ শক্তিমন্ত্ৰী নন্দিতা গাৰ্লোচাই বন্যাৰ্তৰ সমস্যাৰ বুজ লোৱাৰ লগতে চৰকাৰৰ ফালৰ পৰা সকলো সাহায্য আগবঢ়োৱা হ'ব বুলি প্ৰতিশ্ৰুতি দিয়ে (Power Minister Nandita Garlosa visited Dima Hasao )৷