NC Hills Autonomous Council: বিৰোধী শূণ্য হ'ল উত্তৰ কাছাৰ স্বায়ত্ব শাসিত পৰিষদ

বিৰোধী শূণ্য হ'ল উত্তৰ কাছাৰ স্বায়ত্ব শাসিত পৰিষদ (Oppositionless North cachar Autonomous Council) ৰ পিচতে বিৰোধী শূণ্য হৈ পৰিল উত্তৰ কাছাৰ স্বায়ত্ব শাসিত পৰিষদ ।

হাফলং, 6 আগষ্ট: বিৰোধী শূণ্য হ'ল উত্তৰ কাছাৰ স্বায়ত্ব শাসিত পৰিষদ (Zero opposition North cachar Autonomous Council) । পাৰ্বত্য পৰিষদৰ একমাত্ৰ কংগ্ৰেছ সদস্য তথা ডেনিয়েল লাংথাচাই কংগ্ৰেছ দল ত্যাগ কৰাৰ পিচতে বিৰোধী শূণ্য হৈ পৰিল উত্তৰ কাছাৰ স্বায়ত্ব শাসিত পৰিষদ ।

উত্তৰ কাছাৰ পাৰ্বত্য স্বায়ত্ব পৰিষদত বর্তমান ক্ষমতাত আছে বিজেপি দল ৷ 30 জন সদস্য বিশিষ্ট পাৰ্বত্য পৰিষদত বিজেপিৰ সদস্য সংখ্যা হৈছে 29 জন আৰু বিৰোধী কংগ্ৰেছ দলৰ সদস্য আছিল মাত্ৰ এজন ৷ কিন্তু শুক্ৰবাৰে কংগ্ৰেছ দলৰ পৰা পদত্যাগ ঘোষণা কৰে পাৰ্বত্য পৰিষদৰ কংগ্ৰেছ সদস্য ডেনিয়েল লাংথাচায়(Resignation from Congress party) ।

শুক্ৰবাৰে কংগ্ৰেছ নেতা তথা পাৰ্বত্য পৰিষদৰ কংগ্ৰেছ সদস্য ডেনিয়েল লাংথাচাই কংগ্ৰেছৰ প্ৰাথমিক সদস্য পদৰ পৰা পদত্যাগ কৰি ডিমা হাছাও জিলা কংগ্ৰেছলৈ এখন পত্ৰ প্ৰেৰণ কৰে । বিগত কিছুদিন ধৰি জিলাখনৰ ৰাজনৈতিক মহলত চৰ্চাৰ বিষয় হৈ পৰিছিল কংগ্ৰেছ নেতা ডেনিয়েল লাংথাচা ৷

কংগ্ৰেছ দল ত্যাগ কৰি ডেনিয়েল লাংথাচা বিজেপি দলত যোগদান কৰিব বুলি বিগত কিছুদিন ধৰি জিলাখনৰ ৰাজনৈতিক মহলত সৰৱ চৰ্চা চলা পৰিলক্ষিত হৈছিল ৷ অৱশ্যে একে সময়তে বিজেপি দলৰ কিছুমান নেতা আৰু সদস্যৰ মাজতে ডেনিয়েলৰ বিজেপি দলত যোগদান কৰাৰ বিষয়টো লৈ আপত্তি স্পষ্ট হৈ পৰিছিল । সেয়ে দল ত্যাগৰ পিছতো ডেনিয়েল লাংথাচা কোনটো দলত যোগদান কৰিব সেয়া এতিয়া স্পষ্ট হৈ উঠা নাই ৷

জিলাখনৰ ৰাজনৈতিক মহলে ডেনিয়েল লাংথাচা তৃণমূল কংগ্ৰেছত যোগদানৰ সম্ভাৱনা আছে বুলি সম্ভাৱনা ব্যক্ত কৰিছে । একে সময়তে সদ্য কংগ্ৰেছ দল ত্যাগী লাংথাচাই পৰৱৰ্তী সময়ত কোনটো ৰাজনৈতিক দলত যোগদান কৰিব সেই সন্দৰ্ভত এতিয়াও মৌনতা অৱলম্বন কৰা পৰিলক্ষিত হৈছে ।

লগতে পঢ়ক: Dima Hasao Flood: ভয়ংকৰ বানে উটুৱাই লৈ গ’ল ৰাষ্ট্ৰীয় ঘাইপথ