ডিমা হাছাও,৫ এপ্ৰিল: ডিমা হাছাও জিলাৰ এখন অন্যতম ব্যস্ত চহৰ হৈছে লাংটিং। এই লাংটিং চহৰৰ মাজতে অৱস্থিত লাংটিং ৰেল ষ্টেচন । লাংটিং ষ্টেচনৰ মাজেৰে বিভিন্ন কামৰ সংক্ৰান্তত পাৰ হৈ যাব লগা হয় অঞ্চলটোৰ স্কুলীয়া ছাত্ৰ-ছাত্ৰীকে ধৰি সাধাৰণ লোকসকল । কিন্তু ৰে'ল ষ্টেচনটোৰ এক ভয়াবহ দৃশ্যই শিহৰিত কৰি তোলে সকলোকে ৷ প্ৰতিদিনে সন্মুখত থাকে ভয়াৱহ বিপদৰ সংকেট । এখন উৰণীয়া সেঁতু নথকাৰ বাবেই অঞ্চলটোৰ ৰাইজে অতি বিপদ সংকুলভাৱে পথাচাৰীয়ে পথচোৱা পাৰ হৈ আহিছে (Locals of Langting pass through a dangerous situation on the railway line) ৷
কেৱল লাংটিং চহৰৰ এই ষ্টেচনতেই নহয়, মাইবং ষ্টেচনতো একেই অৱস্থা । মাইবং বজাৰলৈ যাব লগা হ'লেও একেধৰণৰ বিপদৰ মুখামুখী হ'ব লাগে অঞ্চলটোৰ ৰাইজ । ইতিমধ্যে মাইবঙত ৰে'লৰ চেপাত মৃত্যু হৈছে ৫ গৰাকীকৈ ব্যক্তিৰ(Five people killed in train accident) ।