ডিমা হাছাও, ১২ জানুৱাৰী :ৰাজ্য়ৰ ভিন্ন প্ৰান্তত থকাৰ দৰে এইবাৰ ডিমা হাছাও জিলাতো উদ্ধোধন কৰা হয় এখন বৃদ্ধাশ্ৰমৰ । মঙলবাৰে লাংটিং চহৰত উদ্ধোধন কৰা হয় পাহাৰীয়া জিলাখনৰ প্ৰথমখন বৃদ্ধাশ্ৰম । বিজেপি শাসিত উত্তৰ কাছাৰ পাৰ্বত্য স্বায়ত্ব শাসিত পৰিষদৰ উদ্যোগত নিৰ্মাণ কৰা হৈছে এই বৃদ্ধাশ্ৰমখন । ৬০ বছৰ বা ইয়াৰ উৰ্ধৰ বৃদ্ধ বা বৃদ্ধাসকল থাকিব পাৰিব এই বৃদ্ধাশ্ৰমত ।
উত্তৰ কাছাৰ পাৰ্বত্য স্বায়ত্ব শাসিত পৰিষদৰ কাৰ্যনিৰ্বাহক সদস্য গলোঞ্জ থাওচেনে উদ্ধোধন কৰে বৃদ্ধাশ্ৰমখন । উদ্ধোধন কৰি তেওঁ কয় যে প্ৰথম অৱস্থাত ইয়াত ৩০ গৰাকী বৃদ্ধ-বৃদ্ধা থাকিব পাৰিব আৰু পৰৱৰ্তী সময়ত এই সংখ্যা বৃদ্ধি কৰা হ'ব ।