হাফলঙত দুটাকৈ ভয়ংকৰ অগ্নিকাণ্ডত জাহ গ'ল লক্ষাধিক টকাৰ সা-সম্পত্তি

শনিবাৰে হাফলঙত সংঘটিত হয় দুটাকৈ অগ্নিকাণ্ডৰ ঘটনা ৷ বড় হাফলং আৰু ৰবিনলা তৃতীয় খণ্ড গাঁৱত সংঘটিত অগ্নিকাণ্ডত 5 লাখৰো অধিক ক্ষয়-ক্ষতি হোৱা বুলি জানিব পৰা গৈছে ৷

ডিমা হাচাও,27ফেব্ৰুৱাৰী:শনিবাৰে হাফলঙত সংঘটিত হয় দুটাকৈ অগ্নিকাণ্ডৰ ঘটনা ৷ প্ৰথমটো ঘটনা বড় হাফলঙত দিনৰ 12.30 বজাত আৰু দ্বিতীয় অগ্নিকাণ্ডৰ ঘটনা ৰবিনলা তৃতীয় খণ্ড গাঁৱত দিনৰ 12.45 বজাত সংঘটিত হয় ৷ ইপিনে দুয়োটা অগ্নিকাণ্ডত দুটাকৈ বাসগৃহ সম্পূৰ্ণৰূপে ভস্মীভূত হোৱাৰ লগতে সকলো সা-সম্পত্তি জুইত জাহ যায় ৷ তদুপৰি এই অগ্নিকাণ্ডত 5 লাখৰো অধিক ক্ষয়-ক্ষতি হোৱা বুলি জানিব পৰা গৈছে ৷

আনহাতে, স্থানীয় লোকে জানিবলৈ দিয়া অনুসৰি আৰক্ষী আৰু অগ্নি নিৰ্বাপক বাহিনী ঘটনাস্থলীত উপস্থিত হোৱাৰ পূৰ্বেই দুয়োটা বাসগৃহ সম্পূৰ্ণৰূপে ভস্মীভূত হয় ৷

লগতে পঢ়কঃঅসমক বিশেষ ৰাজ্যৰ মৰ্যাদা প্ৰদানৰ চেষ্টা চলাম : তেজস্বী যাদৱ