চনটিলাস্থিত পঞ্চম আৰক্ষী বেটেলিয়ানৰ প্ৰতিষ্ঠা দিৱস উদযাপন

ডিমা হাচাওৰ চনটিলাস্থিত পঞ্চম আৰক্ষী বেটেলিয়ানৰ প্ৰতিষ্ঠা দিৱস উদযাপন ৷ আৰক্ষী অধীক্ষক শ্ৰীজিত টি য়ে পতাকা উত্তোলনেৰে মুকলি কৰে অনুষ্ঠান ৷

ডিমা হাছাও, ২৬ জুন : হাফলং চহৰৰ পৰা ২৫ কিলোমিটাৰ নিলগত অৱস্থিত চনটিলাস্থিত পঞ্চম আৰক্ষী বেটেলিয়ানে বুধবাৰে বিভিন্ন কাৰ্যসূচীৰে প্ৰতিষ্ঠা দিৱস উদযাপন কৰে । আৰক্ষী অধীক্ষক তথা পঞ্চম আৰক্ষী বেটেলিয়ানৰ ভাৰপ্ৰাপ্ত কামাণ্ডেণ্ট শ্ৰীজিত টি য়ে পুৱা 8.30 বজাত পতাকা উত্তোলনেৰে অনুষ্ঠানৰ মুকলি কৰে । আৰক্ষী অধীক্ষকগৰাকীয়ে বেটেলিয়ান জাওয়ানৰ অভিবাদন গ্ৰহণ কৰাৰ পাছত জওয়ানসকলে মাৰ্চপাষ্টত অংশগ্ৰহণ কৰে । আৰক্ষী অধীক্ষক শ্ৰীজিত টি য়ে ভাষণ প্ৰসংগত আৰক্ষী জওয়ানসকলক নিজৰ কৰ্তব্য পালনৰ লগতে স্বাস্থ্যৰ প্ৰতিও লক্ষ্য ৰাখিবলৈ আহ্বান জনায় ৷