ডিমা হাছাও, 2 এপ্ৰিলঃ কভিড-19 ৰোগক লৈ ডিমা হাছাও জিলাত তীব্ৰ আতংকৰ সৃষ্টি হৈছে । জিলা খনৰ কেইবাখন গাঁৱত বাহিৰৰ লোকৰ প্ৰৱেশ নিষিদ্ধ কৰিছে গাঁওবাসীয়ে । অসমত কভিড 19 ৰোগে ভয়াৱহ ৰূপ ধাৰণ কৰাৰ বাবে জিলাৰ প্ৰায়বোৰ গাঁৱতে এই ব্যৱস্থা লোৱা হৈছে । দিনে নিশাই গাঁৱৰ প্ৰৱেশ পথত পহৰা দি আছে ভিডিপি সদস্য সকলে ।
ডিমা হাছাও জিলাত কভিড 19ৰ আতংক
ইয়াৰ বিপৰীতে হাফলং চহৰৰ ৰাইজ এতিয়াও সজাগ হোৱা নাই । লক ডাউন অমান্য কৰি ৰাজপথলৈ ওলাই অহাৰ বাবে হাফলং চহৰৰ পৰা 5 জনক গ্ৰেপ্তাৰ কৰে আৰক্ষীয়ে । অৱশ্যে এই লোকসকলক সতৰ্ক কৰি দি জামিনত মুকলি কৰি দিয়ে আৰক্ষীয়ে ৷ ইয়াৰ উপৰি জিলাৰ বিভিন্ন ঠাইৰ পৰা বহু কেইখন বাহন জব্দ কৰে আৰক্ষীয়ে ৷