ডিমা হাছাও, 21 জুলাই:ডিমা হাছাও জিলাত নতুনকৈ 4 গৰাকী লোকৰ দেহত ধৰা পৰিছে ক’ভিড-19 ৰ উপস্থিতি । ডিমা হাছাও জিলাৰ উমৰাংচ'ত চাৰিগৰাকী শ্ৰমিকৰ দেহত ধৰা পৰে এই ভাইৰাছ ।
ইয়াৰ লগে-লগে ডিমা হাছাও জিলাখনত ক’ভিড-19 ৰোগীৰ সংখ্যা 153 জনলৈ বৃদ্ধি পায় । ডিমা হাছাও জিলাত ৰেপিড এন্টিজেন পৰীক্ষা আৰম্ভ হোৱাৰ বাবেই জিলাখনত ক’ভিড ৰোগীৰ সংখ্যা বৃদ্ধি হোৱাৰ আশংকাই দেখা দিছে ৷ এতিয়াও 600 তকৈ অধিক লোকৰ স্বাৱ টেষ্টৰ ফলাফল আহিবলৈ বাকী আছে বুলি জানিবলৈ দিয়ে স্বাস্থ্য বিভাগে ৷