কৰ'ণা ভাইৰাছৰ গইনা লৈ হাফলংত শাক পাচলিৰ দাম বৃদ্ধি

কৰ'ণা ভাইৰাছ প্ৰতিৰোধ তথা সজাগতাৰ বাবে শনিবাৰে ডিমা হাছাৱৰ বিভিন্ন অঞ্চলৰ বজাৰ বন্ধ ৰখাৰ নিৰ্দেশ দিয়ে প্ৰশাসনে ৷ কিন্তু বন্ধৰ নিৰ্দেশ দিয়াৰ পিছতো বহু অসাধু ব্যৱসায়ীয়ে বজাৰ সমূহ খোলাৰ উপৰিও শাক-পাচলিৰ মূল্য বৃদ্ধি কৰি ৰাইজক বিপাঙত পেলোৱাৰ অভিযোগ স্থানীয় ৰাইজৰ ৷

ডিমা হাছাও, 21 মাৰ্চঃ শনিবাৰে কৰ'ণা ভাইৰাছৰ আতংকৰ বাবেই বন্ধ ৰখাৰ নিৰ্দেশ দিয়া হৈছিল উত্তৰ কাছাৰ স্বায়ত্ব শাষিত পৰিষদ ডিমা হাছাও জিলাৰ বিভিন্ন অঞ্চল ৷ কিন্তু কৰ'ণা ভাইৰাছ প্ৰতিৰোধ তথা সজাগতাৰ বাবেই বজাৰ বন্ধৰ নিৰ্দেশ দিয়াৰ পিছতো বহু অসাধু ব্যৱসায়ীয়ে বজাৰ সমূহ খোলাৰ উপৰিও শাক-পাচলিৰ মূল্য বৃদ্ধি কৰি ৰাইজক বিপাঙত পেলায় । আনহাতে ৰাইজৰ অভিযোগ, সাপ্তাহিক বজাৰ বন্ধৰ নিৰ্দেশ দিয়াৰ পাচতো ডিমা হাছাও জিলাত এনেদৰে অধিক দৰত শাক পাচলিৰ দাম বৃদ্ধি কৰি কেনেদৰে বজাৰ খোলা ৰাখিছে ৷ আৰু তাৰ পাচতো জিলা প্ৰশাসনে কিয় ব্যৱস্থা লোৱা নাই বুলি অভিযোগ তোলো স্থানীয়ই ৷

ইপিনে সমগ্ৰ বিশ্বতে কৰ'ণা ভাইৰাছে ত্ৰাসৰ সৃষ্টি কৰাৰ পাচত ভাৰততো প্ৰতিদিন কৰ'ণা ভাইৰাছত আক্ৰান্তৰ সংখ্যা বাঢ়ি গৈছে । কিন্তু অসমত বৰ্তমানেও নাই কৰ'ণা ভাইৰাছত আক্ৰান্ত কোনো ব্যক্তি । সমগ্ৰ ৰাজ্যৰ লগতে ডিমা হাছাও জিলাত কৰ'ণা ভাইৰাছ প্ৰতিৰোধ কৰাৰ বাবে জিলপ্ৰশাসন আৰু স্বাস্থ্য বিভাগে সতৰ্কতামূলক ব্যৱস্থা গ্ৰহণ কৰিছে । মাইক যোগে চহৰৰ পৰা গাওঁ সমূহত সজাগতা চলোৱা হৈছে । ৰে'ল ষ্টেচন সমূহত স্বাস্থ্য বিভাগৰ ফালৰ পৰা চিকিৎসকৰ দল নিয়োগ কৰা হৈছে আৰু ৰে'ল যাত্ৰী সকলৰ সক্ৰিয়ৰ বাবে 12 টা চাৰ্ভিলেন্স টিম গঠন কৰা হৈছে ।

আৰু পঢ়কঃ যোৰহাট চিকিৎসা মহাবিদ্যালয়ত স্বাস্থ্যমন্ত্ৰী হিমন্ত বিশ্ব শৰ্মা