হাফলং 13 জানুৱাৰী: বিপুল সংখ্যাগৰিষ্ঠতা অৰ্জন কৰি উত্তৰ কাছাৰ পাৰ্বত্য স্বায়ত্ত শাসিত পৰিষদ পুনৰ বিজেপিৰ দখলত । পৰিষদৰ 28 টা সমষ্টিৰ ভিতৰত 25 টা সমষ্টিত বিজেপিৰ প্ৰাৰ্থীয়ে জয়লাভ কৰে । 3 টা সমষ্টিত নিৰ্দলীয় প্ৰাৰ্থীয়ে জয়লাভ কৰে ।
আনহাতে, এটা সমষ্টিতো জয়ৰ মুখ দেখা নাই তৃণমূল কংগ্ৰেছ আৰু কংগ্ৰেছ দলে । পাৰ্বত্য পৰিষদৰ দিহাংগী সমষ্টিৰ পৰা বিপুল ভোটত জয়ী হৈছে উত্তৰ কাছাৰ পাৰ্বত্য স্বায়ত্ত শাসিত পৰিষদৰ প্ৰাক্তন মুখ্য কাৰ্যবাহী সদস্য দেবোলাল গাৰ্লোচা । হাতীখালি সমষ্টিৰ পৰা বিজেপি প্ৰাৰ্থী নিৰঞ্জন হোজাইয়ে জয়লাভ কৰে । ইপিনে চেমখৰ সমষ্টিত বিজেপি প্ৰাৰ্থী ৰানু লাংথাচাই পৰাজয় বৰণ কৰে ৷ দিহামলাই সমষ্টিত বিজেপি প্ৰাৰ্থী নামৰাং জেমি আৰু দলং সমষ্টিত বিজেপি প্ৰাৰ্থী এছ টি জেম ৰাংখল পৰাজিত হয় । এই তিনিটা সমষ্টিত ক্ৰমে নিৰ্দলীয় প্ৰাৰ্থী হিৰোজিত জিডোং, ৰাংগালুংবে জেমি আৰু জন পাইতঙে জয়লাভ কৰে ।
ইপিনে দাওতোহাজা সমষ্টিৰ পৰা উত্তৰ কাছাৰ পাৰ্বত্য স্বায়ত্ত শাসিত পৰিষদৰ প্ৰাক্তন মুখ্য কাৰ্যবাহী সদস্য প্ৰাক্তন বিধায়ক তথা কংগ্ৰেছ প্ৰাৰ্থী সমৰজিত হাফলংবাৰ পৰাজিত হয় ।
পাহাৰীয়া জিলাখনত বিজেপি প্ৰাৰ্থীৰ বিপুল জয়ত প্ৰধানমন্ত্ৰী নৰেন্দ্ৰ মোদী আৰু বিজেপিৰ ৰাষ্ট্ৰীয় সভাপতি জে পি নাড্ডাই সন্তোষ প্ৰকাশ কৰে আৰু দলটোৰ প্ৰতি ডিমা হাছাওবাসীৰ অগাধ বিশ্বাসৰ বাবে কৃতজ্ঞতা জনায় ৷
আনহাতে মুখ্যমন্ত্ৰী ড৹ হিমন্ত বিশ্ব শৰ্মাই এই বিজয়ত সন্তোষ প্ৰকাশ কৰাৰ লগতে দলীয় কৰ্মীৰ কঠোৰ পৰিশ্ৰমৰ বাবে কৃতজ্ঞতা জনায় ।
পৰিষদৰ 28 টা সমষ্টিত জয়লাভ কৰা প্ৰাৰ্থীসকল হৈছে
০১. হাফলং - ডনফাইনন থাওচেন (বিজেপি)
০২. জাতিঙ্গা- ফ্লামিং ৰূপচি শ্যেল্লা (বিজেপি)
০৩. বৰাইল- আমিন লিয়েন্থাণ্ড (বিজেপি)
০৪. মাহুৰ- প্ৰবিথা জোহোৰী (বিজেপি)
০৫. জিনাম- জসুমথাং হমাৰ (বিজেপি)
০৬. হেংগ্ৰাম- নোহা দৈমে (বিজেপি)
০৭. লাইচং- পাউডামিং নৰিয়ামে (বিজেপি)
০৮. দাওতুহাজা- প্ৰনাথ ৰাজীয়ুং (বিজেপি)
০৯. মাইবাং পূব- মনজয় লাংথাচা (বিজেপি)
১০. মাইবাং পশ্চিম- মোহেত হোজাই (বিজেপি)
১১. কালাচান্দ-ৰতন জাৰাম্বুচা (বিজেপি)
১২. ৱাজাও- বিশ্বজিৎ দাওলাগুপু (বিজেপি)