মাইবঙত অনুষ্ঠিত হ'ল বিজেপিৰ পৃষ্ঠা প্ৰমুখ সন্মিলন

16 নম্বৰ হাফলং উপজাতি সংৰক্ষিত হাফলং সমষ্টিক বিজেপি দলে নিজৰ দখলত ৰখাৰ বাবে জিলা খনৰ বিভিন্ন ঠাইত অনুষ্ঠিত কৰিছে নিৰ্বাচনী সভা ৷ তাৰ মাজতে মঙলবাৰে জে বি হাগজাৰ ক্লাব প্ৰাংগণত অনুষ্ঠিত হয় বিজেপিৰ পৃষ্ঠা প্ৰমুখ সন্মিলন ৷

ডিমা হাছাও,10 ফেব্ৰুৱাৰী: আগন্তুক বিধানসভা নিৰ্বাচনকলৈ ডিমা হাছাও জিলাত বিজেপি দলে আৰম্ভ কৰিছে ব্যাপক তৎপৰতা । একমাত্ৰ 16 নম্বৰ হাফলং উপজাতি সংৰক্ষিত হাফলং সমষ্টিক বিজেপি দলে নিজৰ দখলত ৰখাৰ বাবে জিলা খনৰ বিভিন্ন ঠাইত অনুষ্ঠিত কৰিছে নিৰ্বাচনী সভা ৷ মঙলবাৰে মাইবঙত বিজেপি দলৰ পৃষ্ঠা প্ৰমুখ সন্মিলন অনুষ্ঠিত কৰা হয় । জে বি হাগজাৰ ক্লাব প্ৰাংগণত অনুষ্ঠিত এই পৃষ্ঠা প্ৰমুখ সন্মিলনত জিলা খনৰ মুঠ 2439 গৰাকী পৃষ্ঠা প্ৰমুখ উপস্থিত থাকে ৷

উল্লেখ্য যে, এই সন্মিলনত উপস্থিত থাকে অসম প্ৰদেশ বিজেপিৰ কেন্দ্ৰীয় প্ৰভাৰী পবন শৰ্মা, বোকাজানৰ বিধায়ক ড৹ নুমুল মুমিন, বিধায়ক বীৰভদ্ৰ হাগজাৰ ডিমা হাছাও জিলা বিজেপিৰ সভাপতি ধনপাইনন থাওচেন, পৃষ্ঠা প্ৰমুখ প্ৰভাৰী হেমাংগ কুমাৰ দাস, ৰাজ্যিক বিজেপিৰ উপ-সভাপতি ৰতন টেৰণ, উত্তৰ কাছাৰ পাৰ্বত্য স্বায়ত্ব শাসিত পৰিষদৰ চিইএম দেৱলাল গাৰ্লোচা আৰু পৰিষদৰ অধ্যক্ষা ৰানু লাংথাচা ।

লগতে পঢ়ক:মহাজোঁটবন্ধনে বিজেপিৰ কোনোধৰণৰ ক্ষতি নকৰে:সৰ্বানন্দ সোণোৱাল