ডিমা হাছাও 31 জুলাই: ৰাজ্যত প্ৰলয়ংকাৰী বানে চলাইছিল তাণ্ডৱ। বানৰ ফলত অন্ন-বস্ত্ৰ-বাসস্থানৰ অভাৱত দুৰ্ভোগ ভুগিছে তেওঁলোকে। কেন্দ্ৰীয় চৰকাৰে এছ ডি আৰ এফৰ ধন মুকলি কৰি দিছে যদিও সেই ধন পৰ্যাপ্ত নহয়। সেয়েহে কিছুদিন পূৰ্বে মুখ্যমন্ত্ৰীয়ে মুখ্যমন্ত্ৰীৰ সাহায্য পুঁজিলৈ অসমৰ বানাক্ৰান্ত সকলৰ সহায়ৰ বাবে সকলোকে সাহায্য আগবঢ়াবলৈ আহ্বান জনাইছিল।
মুখ্যমন্ত্ৰীৰ সাহায্য পুঁজিলৈ উত্তৰ কাছাৰ স্বায়ত্ব শাসিত পৰিষদৰ 25 লাখ টকা দান - চৰকাৰী পেঞ্চনাৰ সন্থা
ৰাজ্যৰ বানাক্ৰান্তৰ সাহায্যৰ্থে মুখ্যমন্ত্ৰীৰ সাহায্য পুঁজিলৈ উত্তৰ কাছাৰ স্বায়ত্ব শাসিত পৰিষদ আৰু মৰিগাঁও জিলা চৰকাৰী পেঞ্চনাৰ সন্থাৰ চেক প্ৰদান।
বানাক্ৰান্তলৈ সাহায্য উত্তৰ কাছাৰ স্বায়ত্ব শাসিত পৰিষদৰ
ৰাজ্যৰ বানাক্ৰান্তৰ সাহায্যৰ্থে আগবাঢ়ি আহিল উত্তৰ কাছাৰ স্বায়ত্ব শাসিত পৰিষদ । উত্তৰ কাছাৰ স্বায়ত্ব শাসিত পৰিষদ কৰ্তৃপক্ষই মুখ্যমন্ত্ৰী সাহায্য পুঁজিলৈ আগবঢ়ালে 25 লাখ টকা৷ বু্ধবাৰে দিছ্পুৰত উত্তৰ কাছাৰ স্বায়ত্ব শাসিত পৰিসদৰ মুখ্য কাৰ্যবাহী সদস্য দেৱলাল গাৰ্লছা আৰু অধ্যক্ষ ৰানু লাংথাচাই 25 লাখ টকাৰ চেক তুলি দিয়ে মুখ্যমন্ত্ৰী সৰ্বানন্দ সোণোৱালৰ হাতত ।
আনহাতে, মুখ্যমন্ত্ৰীৰ সাহায্য পুঁজিলৈ বানাক্ৰান্ত সকলক সহায়ৰ বাবে মৰিগাঁও জিলা চৰকাৰী পেঞ্চনাৰ সন্থাৰ চেক প্ৰদান। মৰিগাঁও জিলা উপায়ুক্তৰ জৰিয়তে আগবঢ়ালে 11, 200'00 টকাৰ চেক । মঙলবাৰে সন্ধিয়া জিলা সভাপতি ডাঃ নকুল চন্দ্ৰ বৰুৱা, সম্পাদক গম্ভীৰ মেধিয়ে জিলা উপায়ুক্ত ঋতু ৰাজ বৰাৰ হাতত আনুষ্ঠানিকভাৱে অৰ্পণ কৰে সাহায্য চেক ৷