ডিমা হাছাও, 12 মে' : সোমবাৰে ৰাজ্যৰ পশু পালন মন্ত্ৰী অতুল বৰা, খাদ্য আৰু অসামৰিক যোগান মন্ত্ৰী ফণীভূষণ চৌধুৰী হাফলংত উপস্থিত হৈ উত্তৰ-কাছাৰ পাৰ্বত্য স্বায়ত্ব শাসিত পৰিসদৰ মুখ্য কাৰ্যবাহী সদস্য দেৱলাল গাৰ্লচা, বিধায়ক বীৰভদ্ৰ হাগজাৰ, জিলা উপাযুক্ত অমিতাভ ৰাজখোৱা, আৰু আৰক্ষী অধীক্ষক বীৰবিক্ৰম গগৈৰ সৈতে হাফলং আৱৰ্ত ভৱনত এক গুৰুত্বপূৰ্ণ বৈঠকত মিলিত হয় ৷
বৈঠকৰ অন্তত মন্ত্ৰী ফনীভূষণ চৌধুৰীয়ে জনাই যে, লক্ ডাউনৰ সময়ত ৰাইজ যাতে অসুবিধাৰ সন্মুখীন হ'ব লগা নহয় তাৰ বাবে চোকা দৃষ্টি ৰখাৰ উপৰিও জিলা প্ৰশাসনৰ লগতে খাদ্য আৰু অসামৰিক যোগান বিভাগক ব্যৱস্থা গ্ৰহণৰ নিৰ্দেশ দিয়া ৷ তাৰ উপৰিও মন্ত্ৰী গৰাকীয়ে জিলাখনত পৰ্যাপ্ত পৰিমানে খাদ্য সামগ্ৰী মজুত ৰাখিবলৈ যোগান বিভাগক নিৰ্দেশ প্ৰদান কৰে ৷