ডিমা হাছাও, 11 ফেব্ৰুৱাৰী: হাফলংত বৃহস্পতিবাৰৰ পৰা 5 দিনীয়াকৈ হস্ততাঁত আৰু শিল্প বিভাগৰ প্ৰদৰ্শনী আৰম্ভ হৈছে হাফলং সাংস্কৃতিক ভৱনত। প্ৰথমবাৰৰ বাবে ডিমা হাছাও জিলাৰ হস্ততাঁত আৰু শিল্প বিভাগে জিলা ভিত্তিক এই প্ৰদৰ্শনীৰ আয়োজন কৰিছে ।
হাফলংত হস্ততাঁত আৰু শিল্প বিভাগৰ 5 দিনীয়া প্ৰদৰ্শনীৰ উদ্ধোধন
বৃহস্পতিবাৰে হস্ততাঁত আৰু শিল্প বিভাগৰ এই প্ৰদৰ্শনীৰ উদ্বোধন কৰে ডিমা হাছাও জিলাৰ জিলা উপায়ুক্ত পল বৰুৱাই । পাহাৰীয়া জিলাৰ বিভিন্ন জাতি জনগোষ্ঠীৰ পৰম্পৰাগত সাঁজপাৰ আৰু হাতেৰে তৈয়াৰি বিভিন্ন কাপোৰ এই প্ৰদর্শনীত প্ৰদশিত কৰা হৈছে ৷ জিলা খনৰ প্ৰায় 25 টা আত্মসহায়ক গোষ্ঠী আৰু স্বেচ্ছাসেৱী সংগঠনে ভাগ লৈছে এই প্ৰদর্শনীত ।