ডিমা হাছাওত কৰ’ণাত আক্ৰান্তৰ সংখ্যা 344 গৰাকীলৈ বৃদ্ধি

পাহাৰীয়া জিলা ডিমা হাছাওত বৰ্তমানলৈকে 344 গৰাকী লোক কৰ’ণাত আক্ৰান্ত হৈছে ৷ মঙলবাৰে নতুনকৈ 27 গৰাকী লোক আক্ৰান্ত হোৱা বুলি জানিব পৰা গৈছে ৷

ডিমা হাছাও, 12 মে’ : ক্ৰমাৎ গণ সংক্ৰমণৰ দিশে গতি কৰিছে পাহাৰীয়া জিলা ডিমা হাছাও ৷ জিলাখনত কৰ’ণাত আক্ৰান্তৰ সংখ্যা বৃদ্ধি পাইছে 344 গৰাকীলৈ ৷ মঙলবাৰৰ দিনটোত ডিমা হাছাওত নতুনকৈ 27 গৰাকী লোক কৰ’ণাত আক্ৰান্ত হোৱা বুলি জানিব পৰা গৈছে ৷

উল্লেখ্য যে, হাফলং চহৰৰ হাগজাৰ নগৰ ৰামনগৰ ৰে’লৱে কলনীৰ নিম্ন হাফলং অঞ্চলত কৰ’ণাৰ গণ সংক্ৰমণ আৰম্ভ হৈছে । অৱশ্যে 164 গৰাকী ৰোগী বৰ্তমান সুস্থ হৈ উঠিছে ।

ইয়াৰোপৰি, হাফলং অসামৰিক চিকিৎসালয়ত 35 গৰাকী ৰোগীৰ চিকিৎসা চলি আছে আৰু 139 গৰাকীক হোম আইচ’লেশ্যনত ৰখা হৈছে ৷

আনহাতে, 5 গৰাকী ৰোগীক উন্নত চিকিৎসাৰ বাবে জিলাৰ বাহিৰলৈ প্ৰেৰণ কৰা হৈছে । হাফলঙত বৰ্তমানলৈকে কৰ’ণাত আক্ৰান্ত হৈ এগৰাকী লোকৰ মৃত্যু হৈছে ৷

লগতে পঢ়ক :ধ্বংসৰ গৰাহত ঐতিহাসিক বিষ্ণুদ’ল