তাঁতৰ শালত সপোন ৰচিছে এজাক মহিলাই

যি সময়ত শিক্ষিত যুৱতী সকলে কৰ্মসংস্থান নাই কৰ্মবিমুখ হ'ব লগা হৈছে তেনে সময়ত তেলীয়া পথাৰ গাৱঁত জীয়ৰী মহিলা সকলে তাঁত শালত সপোন ৰচী দেখুৱাইছে অন্য এক নিদৰ্শন । চৰকাৰে ইতিমধ্যে তেলীয়া পথাৰ গাৱঁক আদৰ্শ শিপিনী গাওঁ হিচাপে ঘোষণা কৰিছে ৷

মৰাণ,20 জানুৱাৰী: অসমীয়া জাতিৰ বাবে তাঁতশালখন অতি হেঁপাহৰ ৷ প্ৰতিগৰাকী নাৰীৰ শিপিনীৰ পৰিচয় বিভিন্ন সময়ত ৰচিত বিহুনাম আদিৰ মাজেৰে ফুটি উঠে ৷ মৰমৰ দীঘেৰে, চেনেহৰ বাণিৰে বোৱা বিহুৱান একোখন প্ৰিয়জনক উপহাৰত দিয়ে অসমীয়া শিপিনীয়ে ৷ তাঁতশালত প্ৰাণ পাই উঠা অসমীয়া সমাজৰ গামোচাৰ আজি দিনত বিশ্বৰজুৰি সন্মান আছে যদিও আধুনিক জাক-জমকতাত ক্ৰমাৎ নিঃশেষ হ’বলৈ ধৰিছে অসমৰ তাঁতশাল ৷ ইয়াৰ মাজতে তাঁত শালতে সপোন ৰচিছে এজাক মহিলাই ৷

ডিব্ৰুগড় জিলাৰ মৰাণ সমষ্টিৰ অন্তৰ্গত তেলীয়া পথাৰ গাৱঁত অৱস্থিত পুণ্য অৰণ্য বয়ন শিল্পৰ যোগেদি অঞ্চলটোৰ ১১৫ গৰাকী শিপিনী স্বাৱলম্বী হৈছে ৷ তেলীয়া পথাৰ গাৱঁৰ বিশিষ্ট সমাজকৰ্মী তথা ব্যৱসায়ী কন্দৰ্প সাগৰ দিহিঙীয়াই প্ৰতিষ্ঠা কৰা বয়ন কেন্দ্ৰটোৱে গাৱঁৰ মহিলাসকলক প্ৰদান কৰিছে আত্মনিৰ্ভৰশীতাৰ পথ ৷ যি সময়ত শিক্ষিত যুৱতী সকলে কৰ্মসংস্থান নাপাই কৰ্মবিমুখ হ'ব লগা হৈছে তেনে সময়ত তেলীয়া পথাৰ গাৱঁত জীয়ৰী মহিলা সকলোৱে তাঁত শালত সপোন ৰচি দেখুৱাইছে অন্য এক নিদৰ্শন ।

চৰকাৰে ইতিমধ্যে তেলীয়া পথাৰ গাৱঁক আদৰ্শ শিপিনী গাওঁ হিচাপে ঘোষণা কৰিছে ৷ ইতিমধ্যে যন্ত্ৰচালিত শালৰ বয়ন কেন্দ্ৰ নিমাৰ্ণৰ বাবে আৰ্থিক অনুদান প্ৰদান কৰিছে চৰকাৰে ৷ অতিশীঘ্ৰে কেন্দ্ৰটো সম্পূৰ্ণ হৈ উঠিব ৷ পূৰ্বতে অসমৰ গাঁওবোৰৰ প্ৰতিখন ঘৰতেই একোখন তাঁতশাল আছিল যদিও কালক্ৰমত হেৰাই যোৱা এই পৰিৱেশ যেন মৰাণলৈ পুনৰ উভটি আহিছে ৷

লগতে পঢ়ক-উত্তৰ গুৱাহাটীত অক্ষয় পাত্ৰ উদ্বোধন মুখ্যমন্ত্ৰী সোণোৱালৰ