বিহাৰত বিজেপিৰ বিজয় : ডিব্ৰুগড়ত বিধায়ক প্ৰশান্ত ফুকনৰ বিজয়োৎসৱ

ৰাজ্যৰ ভিন্ন প্ৰান্তৰ লগতে ডিব্ৰুগড়তো বিধায়ক প্ৰশান্ত ফুকনে বিজেপিৰ বিজয়ত উৎফুল্লিত হৈ পৰাৰ লগতে ফটকা ফুটাই, মিঠাই খাই আনন্দ প্ৰকাশ কৰে ৷ তদুপৰি বিজয় উল্লাসৰ মাজতে বিধায়কগৰাকীয়ে অসমত BJP ক ৰুধিবলৈ সাপ-বেং সকলো এক হৈছে বুলি কয় ৷ কিন্তু অসমত বিজেপিৰ শক্তি যথেষ্ট আছে বুলিও মত প্ৰকাশ কৰে বিধায়ক প্ৰশান্ত ফুকনে ৷

ডিব্ৰুগড়, 11 নৱেম্বৰঃবিহাৰ নিৰ্বাচনত বিজেপি আৰু জেডিইউৰ মিত্ৰজোঁটে বিজয় সাব্যস্ত কৰাৰ পিছতে অসমতো বিজেপি কৰ্মকৰ্তাই পালন কৰে বিজয় উল্লাস ৷ ৰাজ্যৰ ভিন্ন প্ৰান্তৰ লগতে ডিব্ৰুগড়তো বিধায়ক প্ৰশান্ত ফুকনে দলীয় কৰ্মকৰ্তাৰ সৈতে বিজেপিৰ বিজয়ত উৎফুল্লিত হৈ পৰাৰ লগতে ফটকা ফুটাই, মিঠাই খাই আনন্দ প্ৰকাশ কৰে ৷

তদুপৰি বিজয় উল্লাসৰ মাজতে বিধায়কগৰাকীয়ে কয় যে, অসমত BJP ক ৰুধিবলৈ সাপ-বেং সকলো এক হৈছে ৷ কিন্তু অসমত বিজেপিৰ শক্তি যথেষ্ট আছে ৷ ইপিনে, BJP দলে ৰাইজৰ বাবে যি আঁচনি মুকলি কৰিছে সেই আঁচনিৰ জৰিয়তে দলটোৱে আগন্তুক 120 টা দিনত ৰাইজৰ পাকস্থলীলৈকে সোমাবলৈ চেষ্টা কৰিছে বুলি কয় বিধায়কগৰাকীয়ে ৷ আনহাতে, বিহাৰৰ নিৰ্বাচনী ফলাফলে আগন্তুক অসম বিধানসভা নিৰ্বাচনতো যথেষ্ট প্ৰভাৱ পেলাব বুলি আশা প্ৰকাশ কৰে বিধায়ক প্ৰশান্ত ফুকনে ৷

লগতে পঢ়কঃসেউজ ন্যায়াধীকৰণৰ নিৰ্দেশনাঃ হাহাকাৰ বৰপেটাৰ আতচবাজী উদ্যোগত