ডিব্ৰুগড়ৰ পৰা প্ৰতিদিনে দেশৰ ভিন্ন স্থানলৈ ৰপ্তানি হ’ব অসমৰ থলুৱা খাদ্য সম্ভাৰ

ৰাজ্যত উৎপাদিত চাহৰ লগতে কোমল চাউল, বৰা চাউল, ঔটেঙা, কাজি নেমু মাটি কঁঠাল আদি সামগ্ৰী এতিয়াৰে পৰা ৰপ্তানি হ'ব বিদেশলৈ ৷ ৰাজ্যৰ কৃষক সকললৈ ভাল খবৰ আনিছে ডিব্ৰুগড় বিমানবন্দৰ AIRPORT AUTHORITY OF INDIA ই ৷ ডিব্ৰুগড়ৰ পৰা প্ৰতিদিনে চাৰিখন বিমানে ১০ পৰা ১৫ টন অসমত উৎপাদিত সামগ্ৰী লৈ উৰা মাৰিব দেশৰ ভিন্ন স্থানলৈ ৷

মৰাণ, 4 আগষ্ট : ক’ভিড (Covid) অতিমাৰীয়ে দেশৰ লগতে ৰাজ্যৰ অৰ্থনীতিত ব্যাপক প্ৰভাৱ পেলোৱা পৰিলক্ষিত হৈছে ৷ ৰাজ্যৰ অৰ্থনীতি ক্ৰমাৎ ভাঙি পৰাৰ সময়তে এটা খবৰে আশাৰ বতৰা কঢ়িয়াই আনিছে কৃষক সমাজলৈ ৷ AIRPORT AUTHORITY OF INDIAই কৃষক সকললৈ সুখৰ বতৰা কঢ়িয়াই আনিছে । এতিয়াৰ পৰা নিজৰ উৎপাদিত সামগ্ৰী কৃষক সকলে ডিব্ৰুগড় বিমান বন্দৰৰ পৰা দেশৰ ভিন্ন স্থানলৈ পঠিয়াব পাৰিব ।

এই সুবিধা আগবঢ়াইছে AIRPORT AUTHORITY OF INDIA ই । CARGO বিমানৰ জৰিয়তে ডিব্ৰুগড় মোহনবাৰী বিমানবন্দৰৰ পৰা FLYBIG, AIRINDIA, VISTARA, INDIGO এই চাৰিখন বিমানে দেশৰ ভিন্ন স্থানলৈ কঢ়িয়াই নিব থলুৱা খাদ্য সামগ্ৰী । বিশেষকৈ ৰাজ্যত উৎপাদিত চাহৰ লগতে কোমল চাউল, বৰা চাউল, ঔ টেঙা, কাজি নেমু, মাটি কঁঠাল আদি সামগ্ৰী ডিব্ৰুগড়ৰ পৰা প্ৰতিদিনে চাৰিখন বিমানেৰে ১০ ৰ পৰা ১৫ টন লৈ উৰা মাৰিব দেশৰ ভিন্ন স্থানলৈ ।

লগতে পঢ়ক :লণ্ডনৰ বজাৰ দখল কৰিছে অসমৰ নেমুটেঙাই

অসমীয়া জলপান তথা অসমৰ খাদ্য সামগ্ৰী দেশৰ লগতে বিশ্ব ভিন্ন স্থানত চিনাকি কৰাই দিয়াৰ বাবে এইদৰে চেষ্টা কৰিছে AIRPORT AUTHORITY OF INDIA ই । মঙলবাৰে ডিব্ৰুগড় মোহনবাৰী বিমানবন্দৰত এটি গুৰুত্বপূৰ্ণ অনুষ্ঠান আয়োজন কৰাৰ লগতে কেক কাটি এই সেৱা শুভাৰম্ভ কৰিলে AIRPORT AUTHORITY OF INDIA কৰ্তৃপক্ষই ।

উল্লেখযোগ্য যে, কিছুদিন পূৰ্ৱে আন্তঃৰাষ্ট্ৰীয় বজাৰ দখল কৰিবলৈ সক্ষম হৈছিল অসমৰ নেমুটেঙা (Lemon)ই ৷ লণ্ডন (London)ত বিশেষ সমাদৰ লাভ কৰিছে চিৰাং জিলাত উৎপাদিত কাজি নেমুৱে ৷ চিৰাং জিলাৰ পাণবাৰী অঞ্চলৰ পৰা প্ৰথমবাৰৰ বাবে লণ্ডনলৈ ৰপ্তানি (Export) কৰা হৈছে শ শ কেজি নেমু ৷

লগতে পঢ়ক :কিমান ভয়ংকৰ হ’ব পাৰে হাতী-মানুহৰ সংঘাত : চাওক ভিডিঅ’

ৰাজ্যৰ কৃষি বিভাগ (Agriculture Department) আৰু পাণবাৰী বডোফা এগ্ৰ’ অৰ্গেনিক প্ৰডিউচাৰ কোম্পানী (Bodofa Agro Organic Producer Company Limited)ৰ প্ৰচেষ্টাত বিগত 6 জুলাইত ৰপ্তানি কৰা হৈছে নেমুটেঙাসমূহ ৷ লণ্ডনৰ বজাৰত অসমৰ নেমুৱে বৃহৎ সমাদৰ লাভ কৰাৰ পাচতে পৰৱৰ্তী সপ্তাহৰ ভিতৰত অঞ্চলটোৰ পৰা পুনৰ দুই মেট্ৰিকটন নেমু লণ্ডনলৈ প্ৰেৰণ কৰাৰ বাবে সাজু হৈছে কোম্পানীটো ৷

পাণবাৰী অঞ্চলৰ প্ৰায় 1,500 জন কৃষকক লৈ গঠিত পাণবাৰী বডোফা এগ্ৰ’ অৰ্গেনিক প্ৰডিউচাৰ কোম্পানীটোৱে কৃষিজাত সামগ্ৰীৰ উচিত মূল্যৰ বাবে গ্ৰহণ কৰিছে এই বিশেষ পদক্ষেপ ৷ AIRPORT AUTHORITY OF INDIA ৰ এই পদক্ষেপে স্বাভাৱিকতেই কৃষকক তথা থলুৱা উদ্যোগীসকলক লাভান্বিত কৰিব বুলি আশা কৰা হৈছে ৷

লগতে পঢ়ক :বকোত শিক্ষা আৰু কৰ্ম জীৱন সম্পৰ্কত সজাগত সভা