বুঢ়ী দিহিং নৈত গৰু গা ধুৱাবলৈ গৈ সন্ধানহীন দুই যুৱক

ডিব্ৰুগড়ত চেঁচুঘাটৰ বাঁহৰ দলঙত সন্ধানহীন হয় দুই যুৱকৰ ৷ বুঢ়ী দিহিং নৈত গৰু গা ধুৱাবলৈ গৈ পানীত পৰি সন্ধানহীন হয় যুৱক দুজন ৷ যুৱক দুজনক উদ্ধাৰৰ বাবে ঘটনাস্থলীত উপস্থিত এছডিআৰএফ বাহিনী ৷

ডিব্ৰুগড়,14 এপ্ৰিল : গৰু বিহুৰ দিনাই ডিব্ৰুগড়ত গৰু গা ধুৱাবলৈ গৈ সন্ধানহীন হয় দুজন যুৱক ৷ বৰবৰুৱা থানাৰ অন্তৰ্গত চেঁচুঘাটৰ বাঁহৰ দলঙত সংঘটিত হৈছে এই অঘটন ৷ শিৰোমণি বৰা, চানু খনিকৰ নামৰ দুজন যুৱকে হঠাতে বুঢ়ী দিহিং নৈৰ মাজভাগত পৰি সন্ধানহীন হোৱা বুলি স্থানীয় ৰাইজে জানিবলৈ দিয়ে । ইতিমধ্যে নৈৰ বুকুত উদ্ধাৰ অভিযান চলাইছে যদিও যুৱক দুজনৰ কোনো সম্ভেদ পোৱা নাই স্থানীয় ৰাইজে ।

সন্ধানহীন দুই যুৱক

ইফালে দুই যুৱকৰ উদ্ধাৰৰ বাবে জিলা উপায়ুক্ত পল্লৱ গোপাল ঝাই তাৎক্ষণিকভাৱে ঘটনাস্থলীলৈ প্ৰেৰণ কৰিছে এছডিআৰএফ বাহিনী ৷

লগতে পঢ়ক :কাৰ্বি আংলং-নাগালেণ্ড সীমান্তঞ্চলত বৃহৎ পৰিমানৰ গাঞ্জা জব্দ