হোমেন বৰগোহাঞিলৈ টেঙাখাতবাসীৰ শ্ৰদ্ধাঞ্জলি

কৰ’ণাৰ ভয়াৱহতাৰ প্ৰতি লক্ষ্য ৰাখি সমূহীয়া শ্ৰদ্ধাঞ্জলি পৰিহাৰ কৰি টেঙাখাতবাসীয়ে সাহিত্যিক হোমেন বৰগোহাঞিৰ বিদেহী আত্মাৰ চিৰশান্তি কামনাৰে ঘৰে ঘৰে বন্তি প্ৰজ্বলন কৰে ৷

মৰাণ, 14 মে’ : সমগ্ৰ ৰাজ্যতে মহামাৰী কৰ'ণাৰ ভয়াবহ পৰিৱেশে আতংকৰ সৃষ্টি কৰাৰ মাজতে বুধবাৰে পুৱা বিশিষ্ট সাহিত্যিক তথা সাংবাদিক হোমেন বৰগোহাঞিৰ মৃত্যুৰ খবৰে ৰাজ্যৰ সাহিত্যনুৰাগীৰ লগতে অসমবাসীৰ হৃদস্পন্দন স্তব্ধপ্ৰায় কৰি তোলে ৷

ঘৰতে বন্তি প্ৰজ্বলনেৰে সাহিত্যিক হোমেন বৰগোহাঞিক শ্ৰদ্ধাঞ্জলি টেঙাখাতবাসীৰ

অসমীয়া সাহিত্য জগতলৈ অনবদ্য অৱদান আগবঢ়োৱা বিশিষ্ট সাহিত্যিক, সাংবাদিক, কথাশিল্পী হোমেন বৰগোহাঞিৰ মৃত্যুত ৰাজ্যবাসীয়ে গভীৰ শোক প্ৰকাশ কৰিছে ৷ কিন্তু কৰ’ণাৰ এই ভয়াৱহতাৰ বাবে সমূহীয়া শ্ৰদ্ধাঞ্জলি পৰিহাৰ কৰি টেঙাখাটৰ ৰাইজে বন্তি প্ৰজ্বলনেৰে শ্ৰদ্ধাৰ সাহিত্যিক গৰাকীক শ্ৰদ্ধাঞ্জলি জ্ঞাপন কৰে ৷

ঘৰতে বন্তি প্ৰজ্বলনেৰে সাহিত্যিক হোমেন বৰগোহাঞিক শ্ৰদ্ধাঞ্জলি টেঙাখাতবাসীৰ

বৃহস্পতিবাৰে অসম জাতীয়তাবাদী যুৱ ছাত্ৰ পৰিষদ টেঙাখাত আঞ্চলিক সমিতি আৰু টেঙাখাত শাখা সাহিত্য সভাৰ অনুৰোধ মৰ্মে অসমীয়া জাতিৰ মহানায়ক হোমেন বৰগোহাঞিৰ আত্মাৰ চিৰশান্তিৰ বাবে টেঙাখাতৰ বিভিন্ন স্থানত নিজ গৃহত টেঙাখাতবাসীয়ে বন্তি প্ৰজ্বলন কৰি শ্ৰদ্ধাঞ্জলি জ্ঞাপন কৰে ।

লগতে পঢ়ক : বিশ্বনাথ জিলাৰ উপায়ুক্ত কাৰ্যালয়ত ক’ভিড সম্পৰ্কীয় বৈঠক