1 বজাৰ দহটা শীৰ্ষ সংবাদ-
সোমবাৰে পুৱা যোৰহাট নগৰৰ পূব প্ৰান্তৰ আনন্দ নগৰত সংঘটিত হয় এক বৃহৎ অগ্নিকাণ্ড(Jorhat Massiv Fire) ৷ এই অগ্নিকাণ্ডৰ ফলত চাৰিজনকৈ লোক ক্ৰমে ৰামজী ছাহু,অজয় ছাহু, কৃষ্ণ ছাহু, আৰু ৰাজেন্দ্ৰ ছাহুৰ ভাৰাঘৰৰ প্ৰায় 25 টাকৈ গৃহ সম্পূৰ্ণ ৰূপে জুইত জাহ যায় । ৰামজী ছাহুৰ ভাড়া ঘৰৰ চিলিণ্ডাৰ বিস্ফোৰণৰ ফলত এই অগ্নিকাণ্ডৰ সংঘটিত হোৱা বুলি সন্দেহ কৰিছে স্থানীয় লোকে ৷
কলিয়াভোমোৰা দলঙত সংঘটিত হৈছে ভয়ংকৰ দুৰ্ঘটনা (Kaliabhomora Bridge Accident) ৷ ৰেলিং ভাঙি ব্ৰহ্মপুত্ৰত পৰিল ট্ৰাক ৷ অব্যাহত আছে উদ্ধাৰ অভিযান ৷
বহু প্ৰতিবাদৰ পিছতো বগীবিল দলঙৰ সমীপৰ টোলগেট (Bogibeel Bridge Tollgate) মুকলিক লৈ বদ্ধপৰিকৰ ৰাজ্য চৰকাৰ ৷ ইতিমধ্যে নিৰ্মাণকাৰ্য প্ৰায় সম্পূৰ্ণ হৈ উঠিছে টোলগেট নিৰ্মাণৰ কাম ৷
ৰাজহ আদায় নিদিয়াকৈ একাংশ ব্যৱসায়ীয়ে দিনে-নিশাই কাৰ্বি আংলঙৰ বিভিন্ন স্থানৰ পৰা নাগালেণ্ডলৈ শিল-বালি কঢ়িয়াই আছে । যাৰ ফলত নীতি বৰ্হিঃভূতভাৱে চলি থকা এই ব্যৱসায়ৰ ফলত অসম চৰকাৰে হেৰুৱাইছে এক বুজন পৰিমাণৰ ৰাজহ ৷
প্ৰধানমন্ত্ৰী নৰেন্দ্ৰ মোডীয়ে কৃষি আইন(Farm Laws) বাতিল কৰাৰ কথা ঘোষণা কৰাৰ পাচতে সোমবাৰে উত্তৰ প্ৰদেশৰ ৰাজধানী লক্ষ্ণৌৰ ইক' গাৰ্ডেনত আয়োজন কৰা হৈছে কৃষক মহাপঞ্চায়ত(Kisan Mahapanchayat) । কৃষক নেতা ৰাকেশ টিকাইটৰ আহ্বানত কৃষক মহাপঞ্চায়তত অংশগ্ৰহণ কৰিছে ৰাজ্যখনৰ হাজাৰ হাজাৰ কৃষকে ।
আজি বলীউডৰ Handsome Hunk কাৰ্তিক আৰিয়ানৰ জন্মদিন(Kartik Aaryan Birthday) ৷ 2011 চনত বলীউডত অভিনয়ৰ যাত্ৰা আৰম্ভ কৰা অভিনেতা কাৰ্তিকে অভিনয়ৰ লগতে আকৰ্ষণীয় লুকেৰে নৱ প্ৰজন্মৰ মাজত জনপ্ৰিয়তা লাভ কৰিছে ৷ ইটিভি ভাৰত চিটাৰাৰ তৰফৰ পৰা কাৰ্তিকলৈ থাকিল জন্মদিনৰ শুভেচ্ছা...
দেওবাৰে তৃতীয়খন T20 ত (IND VS NZ third T20) ভাৰতৰ হাতত পৰাস্ত হয় নিউজিলেণ্ড ৷ এই বিজয়েৰে চিজিৰত 3-0 ত জয়লাভ ভাৰতৰ ৷
অসমৰ পৰ্যটন মানচিত্ৰত পানপুৰ ঘাট তথা কাজিৰঙাৰ ষষ্ঠ সংযোজনৰ অন্তৰ্গত পানপুৰ বনাঞ্চলে স্থান লাভ কৰা পিচতে শেহতীয়াকৈ পৰ্যটকৰ বাবে আকৰ্ষণৰ কেন্দ্ৰবিন্দু হৈ পৰিছে এই পানপুৰঘাট ৷ পানপুৰ বনাঞ্চললৈ পৰ্যটকৰ সংখ্যা বৃদ্ধি কৰাৰ লক্ষ্যৰে পদক্ষেপ গ্ৰহণ কৰিছে কাজিৰঙা ৰাষ্ট্ৰীয় উদ্যান কৰ্তৃপক্ষই ৷
কইনাধৰাৰ চৰকাৰী অতিথিশালাত মুখ্যমন্ত্ৰী ড৹ হিমন্তবিশ্ব শৰ্মা(Himanta Biswa Sarma) আৰু অখিল গগৈ(Akhil Gogoi)ৰ এঘন্টাজোৰা এক আলোচনা ৷ উক্ত আলোচনাত মূলতঃ শিৱসাগৰ সমষ্টি(Sibsagar)ৰ বিভিন্ন সমস্যাই অগ্ৰাধিকাৰ পায় ৷ এই আলোচনাৰ সময়চোৱাত মুখ্যমন্ত্ৰীৰ হাতত 16 দফীয়া এখন স্মাৰকপত্ৰও দাখিল কৰে শিৱসাগৰৰ বিধায়ক গৰাকীয়ে ৷
জি এম চি এচৰ প্ৰেক্ষাগৃহত দুদিনীয়াকৈ আয়োজিত উত্তৰ-পূব শিক্ষা সন্মিলন(North East Education Conclave)ৰ সামৰণি অনুষ্ঠানত মুখ্য অতিথি হিচাপে উপস্থিত থাকে ৰাজ্যপাল জগদীশ মুখী ।
