মৰাণ,18 মাৰ্চ:ৰাজ্যত তিনিটা পৰ্যায়ত অনুষ্ঠিত হ’ব বিধানসভাৰ নিৰ্বাচন ৷ প্ৰথম পৰ্যায়ৰ নিবাচনৰ বাবে ইতিমধ্যে ৰাজ্যলৈ আগমন ঘটিছে হাই প্ৰফাইল নেতাৰ ৷ শুকুৰবাৰে চাবুৱাৰ দিনজয় বাগিচাৰ খেলপথাৰত অজয় ফুকনৰ হৈ নিৰ্বাচনী প্ৰচাৰ চলাবলৈ আহিব কংগ্ৰেছৰ যুৱৰাজ ৰাহুল গান্ধী । ৰাহুল গান্ধীৰ আগমনৰ পূৰ্বে চাবুৱাত অজয় ফুকনে সংবাদমেল সম্বোধন কৰে ।
জানিব পৰা মতে, দুদিনীয়া কাৰ্যসূচীৰে অসমলৈ আহিব কংগ্ৰেছ নেতা ৰাহুল গান্ধী । দুটা দিনত বহু কেইজন প্ৰাৰ্থীৰ হৈ প্ৰচাৰ চলাব কংগ্ৰেছ নেতাগৰাকীয়ে । উল্লেখ যে, ৰাহুল গান্ধীয়ে নিবাৰ্চনী প্ৰচাৰ চলোৱাৰ পিছদিনা চাবুৱাত পুনৰ দেশৰ প্ৰধানমন্ত্ৰী নৰেন্দ্ৰ মোডীয়ে নিৰ্বাচনী প্ৰচাৰ চলাবলৈ আহিব । মুঠৰ ওপৰত উজনি অসমত এতিয়া দিল্লীৰ নেতাৰ ভিৰ বাঢ়িছে ।
লগতে পঢ়কঃ ডo হিমন্ত বিশ্ব শৰ্মাই মহিলাক কৰা তুচ্ছ মন্তব্যক লৈ কটাক্ষ ৰফিকুল ইছলামৰ