পোহনীয়া গাহৰিৰ মৃত্যুক লৈ চিন্তিত টিংখাঙৰ গাহৰি পালক

গ্ৰাম্য অঞ্চলৰ ৰাইজে গাহৰি পালন কৰি পৰিয়াল পোহপাল কৰাৰ লগতে বহু নিবনুৱাই গাহৰি পালন কৰি স্বাৱলম্বী হৈ আছে আৰু সেয়ে এই মৃত্যুৱে তেওঁলোকক চিন্তিত কৰি তুলিছে ।

টিংখাং, 8 মে': বিশ্বত এতিয়া কৰ'ণাতংক । কৰ'ণাতংকৰ বাবে অব্যাহত থকা লক ডাউনৰ মাজতে ৰাজ্যত এতিয়া মৃত্যু হৈছে পোহনীয়া গাহৰিৰ। যাৰ বাবে চিন্তিত হৈ পৰিছে টিংখাঙৰ গাহৰি পালক সকলক । অসমৰ কেইবাখনো জিলাত অস্বাভাৱিক ভাৱে আফ্ৰিকান ছোৱাইন ফিভাৰৰ ৰোগত গাহৰিৰ মৃত্যু হোৱাৰ লগতে ডিব্ৰুগড় জিলাৰ টিংখাঙৰ, ন শ্ৰীপুৰীয়া, লেঙেৰী, ন-খাটকে ধৰি বিভিন্ন গাঁৱত বিগত কিছুদিন ধৰি বহুটো গাহৰিৰ মৃত্যুৰ হয় ।

ইয়াৰ বাবে এতিয়া শংকিত হৈ পৰিছে গাহৰি পালক সকলক । এই সমূহ গাহৰিৰ মৃত্যুৰ কাৰণ আফ্ৰিকান ছোৱাইন ফিভাৰ বুলি নিশ্চিত নহয় যদিও গাহৰি পালক সকলক উদ্বিগ্ন হৈ পৰিছে ।

উল্লেখযোগ্য যে, গ্ৰাম্য অঞ্চলৰ ৰাইজে গাহৰি পালন কৰি পৰিয়াল পোহপাল কৰাৰ লগতে বহু নিবনুৱাই গাহৰি পালন কৰি স্বাৱলম্বী হৈ আছে । বৰ্তমান গ্ৰাম্য অঞ্চলত গাহৰিৰ অস্বাভাৱিক ভাৱে মৃত্যু হোৱাত চিন্তিত হৈ পৰিছে পালক সকল ।

কিন্তু ইমানৰ পাছতো পশুপালন বিভাগৰ ফালৰ পৰা বিশেষ পদক্ষেপ গ্ৰহণ কৰা নাই বুলি অভিযোগ উত্থাপন কৰিছে গাহৰি পালক সকলে । যদিহে সময় থাকোতে বিশেষ পদক্ষেপ গ্ৰহণ নকৰে তেন্তে গাহৰি পালকসকল সংকটত পৰাটো প্ৰায় নিশ্চিত হৈ পৰিছে ।