ডিব্ৰুগড়ত নাতিয়েকক ধৰ্ষণৰ অপচেষ্টা এজন বৃদ্ধৰ

নাবালিকাক যৌন নিৰ্যাতনৰ অপচেষ্টা চলোৱাৰ অভিযোগ ৷ অভিযোগ অনুসৰি, ডিব্ৰুগড়ত আফজল আনচাৰী নামৰ লম্পটজনে সম্পৰ্কীয় ৮ বছৰীয়া নাতিনীয়েকক যৌন নিৰ্যাতনৰ অপচেষ্টা চলায় ।

ডিব্ৰুগড়,26 এপ্ৰিল:যোৱাটো মাহতেডিব্ৰুগড়ত সংঘটিত হৈছিল এক জঘণ্য কাণ্ড। এগৰাকী নাবালিকাক যৌন নিৰ্যাতনৰ অপচেষ্টা চলোৱাৰ অভিযোগ উঠিছিল এগৰাকী লম্পটৰ বিৰুদ্ধে । ডিব্ৰুগড়ৰ চাউলখোৱাৰ ঘৰবন্দী চুকৰ জৰুৱা গাঁৱৰ এই ঘটনা পোহৰলৈ অহাৰ পিছতে অঞ্চলটোত সৃষ্টি হৈছিল তীব্ৰ চাঞ্চল্যৰ । অভিযোগ অনুসৰি, অঞ্চলটোৰ আফজল আনচাৰী নামৰ লম্পটজনে সম্পৰ্কীয় ৮ বছৰীয়া নাতিনীয়েকক যৌন নিৰ্যাতনৰ অপচেষ্টা চলাইছিল ।

১৩ মাৰ্চতে সংঘটিত হোৱা এই ঘটনাৰ পিছতে ২০ মাৰ্চত অভিযুক্তৰ বিৰুদ্ধে গাভৰুপথাৰ আৰক্ষী চকীত এজাহাৰ দাখিল কৰিছিল এই জঘণ্য ঘটনাৰ বলি হোৱা নাবালিকা গৰাকীৰ পিতৃ-মাতৃয়ে । কিন্তু নাবালিকাৰ পিতৃ-মাতৃয়ে দাখিল কৰা এজাহাৰৰ পিছতো অভিযুক্তক আজিলৈকে গ্ৰেপ্তাৰ নকৰিলে আৰক্ষীয়ে । সাংবাদিকে গাভৰুপথাৰ আৰক্ষীৰ সৈতে যোগাযোগ কৰাত অভিযুক্তক বিচাৰি অভিযান অব্যাহত ৰখা বুলি কৈ দায়িত্ব সামৰিলে আৰক্ষীয়ে । ইফালে এই অপকৰ্মত জড়িত লম্পটৰ বিৰুদ্ধে কঠোৰ ব্যৱস্থা গ্ৰহণ কৰি পৰিয়ালটোক ন্যায় প্ৰদানৰ বাবে দাবী জনাইছে স্থানীয় লোকসকলে ।

লগতে পঢ়ক:পশ্চিমবংগৰ সপ্তম পৰ্যায়ৰ নিৰ্বাচন: আৰম্ভ হৈছে ভোটগ্ৰহণ