মৰাণ, ১৩ ফেব্ৰুৱাৰী: সমাগত বিধানসভা নিৰ্বাচন । ৰাজনৈতিক নেতা-মন্ত্ৰী নিৰ্বাচনৰ প্ৰচাৰত ব্যস্ত হোৱাৰ বিপৰীতে ৰাজ্যৰ ঠায়ে-ঠায়ে চাহ শ্ৰমিকে মজুৰি বৃদ্ধিৰ দাবীত প্ৰতিবাদ সাব্যস্ত কৰা পৰিলক্ষিত হৈছে । শুকুৰবাৰে শ্ৰমিকৰ মজুৰি ৩৫১ টকালৈ বৃদ্ধি কৰাৰ দাবীত অসমৰ চাহ জনজাতি ছাত্ৰ সন্থা চমুকৈ আটছাই ডিব্ৰুগড় জিলাৰ মৰাণত মৰাণ আৰু মাহমৰা ৰাজহ চক্ৰ কাৰ্যালয়ৰ সন্মুখত ৩ ঘন্টীয়া ধৰ্ণা কাৰ্যসূচী ৰূপায়ণ কৰে ।
মৰাণত ৰাজহ চক্ৰ কাৰ্যালয়ত চাহ শ্ৰমিকৰ প্ৰতিবাদ
প্ৰতিবাদকাৰীসকলে বিজেপি মুৰ্দাবাদ, বিজেপি চৰকাৰে প্ৰতিশ্ৰুতি ৰূপায়ণ কৰক, কামাখ্যা প্ৰসাদ তাছা মুৰ্দাবাদ, পল্লৱলোচন দাস মুৰ্দাবাদ, সঞ্জয় কিষাণ মুৰ্দাবাদ, হিমন্ত বিশ্ব শৰ্মা মুৰ্দাবাদ, ৰামেশ্বৰ তেলী মুৰ্দাবাদ, সৰ্বানন্দ সোণোৱাল মুৰ্দাবাদ আদি বিভিন্ন প্ৰতিবাদী শ্ল'গানেৰে মৰাণৰ আকাশ-বঁতাহ কপাই তোলে ।