মৰাণ , ২৭ ডিচেম্বৰ : মৰাণত টাই আহোম যুৱ পৰিষদ(টাইপা)ৰ পঞ্চম পঞ্চবাৰ্ষিক কেন্দ্ৰীয় অধিৱেশনৰ আয়োজন কৰা হয় । শনিবাৰৰ পৰা তিনিদিনীয়া কাৰ্যসূচীৰে মৰাণৰ তিলৈ গ্ৰাম্যবজাৰ প্ৰাংগণত আয়োজন কৰা হয় টাইপাৰ কেন্দ্ৰীয় অধিৱেশন আৰু ৰূপালী জয়ন্তী বৰ্ষৰ সামৰণি অনুষ্ঠান ।
শনিবাৰে অগণন লোকৰ সমাগমেৰে কেইবাটাও কাৰ্যসূচী অনুষ্ঠিত হয় । দেওবাৰে পুৱা চাফাই অভিযানেৰে আৰম্ভ হয় দ্বিতীয় দিনাৰ কাৰ্যসূচী । আবেলি এই অনুষ্ঠানতে ডিব্ৰুগড়, মৰাণ আৰু মাহমৰাৰ কেইবাজনো সাংবাদিকক সম্বৰ্ধনা জনোৱা হয় ।