মৰাণ,18 এপ্ৰিলঃ কৰ'ণা ভাইৰাছৰ আতংকৰ প্ৰতি লক্ষ্য ৰাখি সমগ্ৰ দেশতে এতিয়া লকডাউন ৷ সকলো বন্দী নিজ গৃহত ৷ লক ডাউনৰ এই সময়ত সকলোৱে কৰি গৈছে নিজৰ মন পচন্দৰ কাম ৷ নিজ গৃহতে ব্যস্ত সকলো ৷ কিন্তু লক ডাউনৰ এই সময়ত ঘৰতে থাকি অনুশীলন কৰি চকুত কাপোৰ বান্ধি যিকোনো ব্যক্তিৰ ছবি হুবহু আঁকি সমগ্ৰ ৰাজ্যতে চৰ্চিত হৈ পৰিছে ডিব্ৰুগড় জিলাৰ খোৱাঙৰ দিপু বৰানামৰ এগৰাকী চিত্ৰ শিল্পী ৷ চকু বান্ধি কম সময়তে আঁকিব পাৰে এখনৰ পিছত আনখন ছৱি ৷ ইয়াৰ লগতে একে সময়তে দুখন হাত আৰু ভৰি ব্যৱহাৰ কৰি চাৰি খনকৈ যিকোনো ছবিও আঁকিব পাৰে চিত্ৰশিল্পীগৰাকীয়ে ৷ এইগৰাকী প্ৰতিভাৱান চিত্ৰশিল্পী দিপু বৰাৰ কৰ্মৰাজিক লৈ এতিয়া গৌৰৱান্বিত পিতৃ-মাতৃৰ লগতে সমগ্ৰ খোৱাংবাসী ৷
লক ডাউনৰ মাজতে খোৱাঙত চিত্ৰ শিল্পীৰ চমক