দুলীয়াজানত চীপ লোৱা অৱস্থাত যুৱকৰ মৃতদেহ উদ্ধাৰ

দুলীয়াজানৰ মাজগাঁৱত চাঞ্চল্যকৰ ঘটনা । চিলিঙত ওলমি থকা অৱস্থাত যুৱকৰ মৃতদেহ উদ্ধাৰ ৷ জয়ন্ত গগৈ নামৰ যুৱকজনক নিজ ঘৰত চীপ লোৱা অৱস্থাত প্ৰত্যক্ষ কৰে পৰিয়ালৰ লোকে ৷

মৰাণ,7 এপ্ৰিল:দুলীয়াজানৰ মাজগাঁৱত চাঞ্চল্যকৰ ঘটনা । চিলিঙত ওলমি থকা অৱস্থাত যুৱকৰ মৃতদেহ উদ্ধাৰ ৷ জয়ন্ত গগৈ নামৰ যুৱকজনক নিজ ঘৰত চীপ লোৱা অৱস্থাত প্ৰত্যক্ষ কৰে পৰিয়ালৰ লোকে ৷

ঘটনাৰ খবৰ পোৱাৰ পাছতে আৰক্ষী আৰু চক্ৰ বিষয়া ঘটনাস্থলীত উপস্থিত হয় । বৰ্তমান নাওহলীয়া আৰক্ষী চকীলৈ মৃতদেহটো লৈ যোৱা হৈছে ৷ বৃহস্পতিবাৰে পুৱা মৃতদেহটো মৰণোত্তৰ পৰীক্ষাৰ বাবে প্ৰেৰণ কৰা হ'ব বুলি জানিবলৈ দিছে চক্ৰ বিষয়া মীনা ৰাভা দেৱীয়ে ৷ যুৱকজনে কি কাৰণত এনে সিদ্ধান্ত গ্ৰহণ কৰিলে সেয়া বৰ্তমানলৈকে জানিব পৰা হোৱা নাই ৷

লগতে পঢ়ক: আলফা (স্বা)ৰ ৪২ সংখ্যক প্ৰতিষ্ঠা দিৱস