মৰাণ, 9 এপ্ৰিল: অসমীয়াৰ হেঁপাহৰ ৰঙালী বিহুলৈ মাজত মাথোঁ কেইটামান দিন বাকী (Rangali Bihu celebration)। বাপতি সাহোন বিহুটিক আদৰিবলৈ চৌদিশে এতিয়া ব্যাপক প্ৰস্তুতি দেখিবলৈ পোৱা গৈছে । ঢোল–পেঁপাৰ শব্দত ৰজনজনাইছে ৰাজ্যৰ প্ৰতিটো প্ৰান্ত । সেমেকা শীতৰ স্পৰ্শ পাই লঠঙা হোৱা বিৰিখত বসন্তৰ নকৈ গজা কোঁহবোৰত সেউজীয়া বৰণ ছটিয়াই বাসন্তিবুলীয়া সাজেৰে সুশোভিতা হৈছে প্ৰকৃতি ।
বিহু মঞ্চৰ বাবে সাজু কুসুম কৈলাস ইয়াৰ লগে লগে বিহু মঞ্চৰ বাবে সাজু হৈছে জনপ্ৰিয় কণ্ঠশিল্পীসকল । মৰাণত আখৰাস্থলীত ব্যস্ত কুসুম কৈলাসৰ লগতে কলা-কুশলীসকল । দুটা বছৰৰ অন্তত পুনৰ মঞ্চ কঁপাবলৈ প্ৰস্তুতি চলাইছে কুসুম কৈলাসে (Singer Kusum Kailash)। পহিলা বহাগৰ পৰাই অনুষ্ঠান আৰম্ভ হ'ব জনপ্ৰিয় কন্ঠশিল্পীগৰাকীৰ । ন- পুৰণি সকলো গীত লৈ বিহু মঞ্চৰ বাবে সাজু হোৱা বুলি জানিবলৈ দিয়ে কুসুম কৈলাসে । আখৰাস্থলীৰ পৰাই ৰাজ্যবাসীক বিহুৰ শুভেচ্ছা জনালে জনপ্ৰিয় কন্ঠশিল্পীগৰাকীয়ে ।
লগতে পঢ়ক:অসমৰ সংস্কৃতিৰ পৰা ক্ৰমশ বিলুপ্তিৰ পথত কড়ি খেল
