মৰাণত পথ দুৰ্ঘটনা, নিহত 1

শুকুবাৰে খোৱাঙত সংঘটিত শোকাৱহ পথ দুৰ্ঘটনা ৷ দুৰ্ঘটনাত থিতাতে এজন ছাত্ৰ নিহত হোৱাৰ বিপৰীতে গুৰুতৰভাৱে আহত হয় আন এজন ছাত্ৰ ৷ দুলিয়া ডিমৌ হৈ মৰাণলৈ গৈ থকা অৱস্থাত সংঘটিত হয় দুৰ্ঘটনা এই দুৰ্ঘটনা ৷

মৰাণ, ৭ ফেব্ৰুৱাৰীঃ খোৱাঙত শোকাৱহ পথ দুৰ্ঘটনা ৷ দুৰ্ঘটনাত এজন বাইক আৰোহী থিতাতে নিহত হোৱাৰ লগতে গুৰুতৰভাৱে আহত হয় আন এজন ৷ উল্লেখ্য যে, শুকুৰবাৰে বিয়লি খোৱাং আৰক্ষী থানাৰ অন্তৰ্গত গন্দৈগুৰি গাঁ‌ৱৰ ৰাজনীশ হাজৰিকা আৰু ইন্দ্ৰজিৎ হাজৰিকা কলেজৰ পৰা নামভৰ্তি কৰি দুলিয়া ডিমৌ হৈ মৰাণলৈ গৈ থকা অৱস্থাত সংঘটিত হয় দুৰ্ঘটনা ৷ যোৰহাটৰ পৰা ডিব্ৰুগড় দিশে আহি থকা AS-03BC-9278 নম্বৰৰ এখন বলেৰ’ গাড়ীৰ সৈতে AS0-06-Z-0608 নম্বৰৰ মটৰ চাইকেল খনৰ লগত মুখামুখি সংঘৰ্ষ হয় ৷ যাৰ ফলত থিতাতে নিহত হয় শৈলেন হাজৰিকাৰ পুত্ৰ ৰাজনীশ হাজৰিকা ৷

আনহাতে, বাইকখনত উঠি অহা ভৱেন হাজৰিকাৰ পুত্ৰ ইন্দ্ৰজিৎ হাজৰিকা গুৰুতৰভাৱে আহত হয় । নিহত যুৱক জনক মৰণোত্তৰ পৰীক্ষাৰ বাবে ডিব্ৰুগড় মেডিকেল কলেজলৈ প্ৰেৰণ কৰাৰ লগতে গুৰুতৰ ভাৱে আহত যুৱক জনক উন্নত চিকিৎসাৰ বাবে ডিব্ৰুগড় মেডিকেল কলেজলৈ প্ৰেৰণ কৰে ।

আৰু পঢ়কঃ হাড়গিলা সংৰক্ষণৰে বিশ্বত জিলিকি উঠা অসমীয়া মহিলাগৰাকী