ৰাষ্ট্ৰীয় ঘাইপথত পথ দুৰ্ঘটনা: শিশুসহ আহত 10 জন

টিংখাঙৰ লেঙেৰীৰ নাচনীৰ ৰাষ্ট্ৰীয় ঘাইপথত শিহৰণকাৰী পথ দুৰ্ঘটনা(Road accident on National Highway) ৷ দুখন বাহনৰ মুখামুখি সংঘৰ্ষত গুৰুতৰভাৱে আহত 10জন ৷

মৰাণ, 12 জুন : টিংখাঙৰ ৫২ নং বি ৰাষ্ট্ৰীয় ঘাইপথত শনিবাৰে নিশা সংঘটিত হয় এক ভয়ংকৰ পথ দুৰ্ঘটনা (Road accident on National Highway)৷ এই ভয়ংকৰ পথ দুৰ্ঘটনাত মহিলা আৰু শিশুসহ মুঠ 10 জন গুৰুতৰভাৱে আহত হয় (10 injured in road accident) ৷

টিংখাঙৰ লেঙেৰীৰ নাচনীৰ ৫২ নং বি ৰাষ্ট্ৰীয় ঘাইপথত এখন টাটা ইণ্ডিগ' আৰু এখন এম্বুলেঞ্চৰ মাজত ভয়ংকৰ পথ দুৰ্ঘটনা সংঘটিত হয় ৷ দুৰ্ঘটনাত পতিত হোৱা টাটা ইণ্ডিগ'খনৰ AS06K0269 নম্বৰ আৰু ৰাজগড় জোকতলি চাহ বাগানৰ এম্বুলেঞ্চখনৰ নম্বৰ AS 06 BC 9309 বুলি জানিব পৰা গৈছে ৷

এই পথ দুৰ্ঘটনাত মহিলা আৰু শিশু সহ মুঠ 10 জন গুৰুতৰভাৱে আহত হয় ৷ উক্ত ঘটনাস্থলীত বামুনবাৰী আৰক্ষী উপস্থিত হৈ লেঙেৰী আদৰ্শ চিকিৎসালয়ত ভৰ্তি কৰে ৷ ইয়াৰে 4 জনক সংকটজনক অবস্থাত ডিব্ৰুগড় চিকিৎসা মহাবিদ্যালয় হাস্পতাললৈ প্ৰেৰণ কৰে ৷ দুৰ্ঘটনা সংঘটিত হোৱা এম্বুলেঞ্চখন জোকতলি বাগানৰ বুলি জানিব পৰা গৈছে ৷

লগতে চাওক :Road accident in Rajasthan : ৰাজস্থানৰ শোকাৱহ দুৰ্ঘটনাত একেটা পৰিয়ালৰে ৮ জন সদস্যৰ মৃত্যু