চেপনত পথ দুৰ্ঘটনাঃ নিহত এজন

মৰাণত পথ দুৰ্ঘটনা ৷ থিতাহে নিহত হয় চালক গৰাকী ৷ নিয়ন্ত্ৰণ হেৰুওৱাই বাগৰি পৰে বাহনখন ৷

মৰাণ, 19 অক্টোবৰ : ডিব্ৰুগড় জিলাৰ মৰাণৰ সমীপৰ চেপনত ভয়ংকৰ পথ দুৰ্ঘটনা সংঘটিত হয় । AS-04-T-3788 নম্বৰৰ গাড়ীখনে নিয়ন্ত্ৰণ হেৰুৱাই পথৰ পৰা দ-খাৱৈত বাগৰি পৰে । ফলত থিতাতে নিহত হয় চালক চাহিল ৰহমান নামৰ যুৱকজন । মৃত্যু হোৱা যুৱকজনৰ ঘৰ নাজিৰাত বুলি জানিব পৰা গৈছে ৷

তথ্য অনুসৰি,ASEB গড়গাঁৱৰ কৰ্মচাৰী চাহিল ৰহমানে দুজন সতীর্থৰ সৈতে ডিব্ৰুগড়ৰ পৰা ঘৰ অভিমুখে আহি থকাৰ সময়তে সংঘটিত হয় এই ভয়ংকৰ দুৰ্ঘটনাটো ।পিচত ঘটনাস্থলীত আৰক্ষী উপস্থিত হৈ দুৰ্ঘটনাটোত গুৰুতৰভাৱে আহত দুজন আৰোহীক উদ্ধাৰ কৰি চিকিৎসালয়লৈ প্ৰেৰণ কৰাৰ লগতে চাহিল ৰহমানৰ মৃতদেহ মৰণোত্তৰ পৰীক্ষাৰ বাবে প্ৰেৰণ কৰে ।

লগতে পঢ়ক :বকোত 'মা কামাখ্যা' নামৰ দৈনিক বজাৰ মুকলি