হঠাৎ অসুস্থ কেন্দ্ৰীয় মন্ত্ৰী ৰামেশ্বৰ তেলী, ICUত ভৰ্তি

হঠাৎ অসুস্থ কেন্দ্ৰীয় খাদ্য সংসাধন মন্ত্ৰী ৰামেশ্বৰ তেলী ৷ ডিব্ৰুগড়ৰ অসম চিকিৎসা মহাবিদ্যালয় হাস্পতালত ভৰ্তি মন্ত্ৰীগৰাকী ৷

ডিব্ৰুগড়, 29 অক্টোবৰঃ হঠাৎ অসুস্থ কেন্দ্ৰীয় খাদ্য সংসাধন মন্ত্ৰী ৰামেশ্বৰ তেলী ৷ ডিব্ৰুগড়ৰ অসম চিকিৎসা মহাবিদ্যালয় হাস্পতালত ভৰ্তি মন্ত্ৰীগৰাকীক ৷ ডিগবৈৰ সংকল্প যাত্ৰাৰ এক কাৰ্যসূচীত অংশগ্ৰহণ কৰি থকা অৱস্থাতে হঠাৎ অসুস্থ হৈ পৰিছিল মন্ত্ৰী তেলী ৷ তেওঁক ততাতৈয়াকৈ তিনিচুকীয়া অসামৰিক চিকিৎসালয়ত ভৰ্তি কৰোৱা হৈছিল যদিও স্বাস্থ্যৰ অধিক অৱনতি ঘটাত ডিব্ৰুগড়ৰ অসম চিকিৎসা মহাবিদ্যালয়ৰ হাস্পতালৰ হৃদৰোগ বিভাগত ভৰ্তি কৰোৱা হয় ৷

বৰ্তমান তেওঁ ICU ত ভৰ্তি হৈ আছে আৰু হৃদৰোগ বিশেষজ্ঞ ডা: হেমচন্দ্ৰ কলিতাৰ নেতৃত্বত এটা চিকিৎসকৰ দলে চিকিৎসা অব্যাহত ৰাখিছে ৷

আৰু পঢ়কঃ নগাঁৱৰ গুৰুদ্বাৰৰ গুদামত অগ্নিকাণ্ড