মৰাণ, ১২ ফেব্ৰুৱাৰী: ৰাজ্য চৰকাৰৰ নিৰ্দেশত জিলাই জিলাই আৰম্ভ হৈছে খিলঞ্জীয়া ৰাইজক ভূমি পট্টা প্ৰদানৰ প্ৰক্ৰিয়া । ডিব্ৰুগড় জিলা প্ৰশাসনেও তৎপৰতাৰে আৰম্ভ কৰিছে ভূমি পট্টা প্ৰদানৰ প্ৰক্ৰিয়া । ডিব্ৰুগড় জিলাৰ টেঙাখাত ৰাইজক বৃহস্পতিবাৰে জিলা উপায়ুক্তৰ নিৰ্দেশ মৰ্মে ডিব্ৰুগড় জিলাৰ অতিৰিক্ত উপায়ুক্ত ৰাজীৱ থাপাই উক্ত অঞ্চলৰ বাসিন্দাসকলৰে এক আলোচনাত মিলিত হয় ।
উল্লেখ্য যে, টেঙাখাত ৰাজহ চক্ৰৰ অধীনৰ ২ নং নাওহলীয়া গাঁৱত বিগত কেইবাবছৰো ধৰি সংৰক্ষিত চৰণীয়া পথাৰৰ মাটিত বসবাস কৰি থকা লোকসকলে তেওঁলোকৰ মাটিৰ অধিকাৰকে ধৰি বিভিন্ন সমস্যা সমূহক লৈ ডিব্ৰুগড় জিলাৰ উপায়ুক্ত পল্লৱ গোপাল ঝাক অৱগত কৰিছিল ।