মৰাণ, 31 মে’:অসমৰ প্ৰথমখন ক্ৰীড়া বিশ্ববিদ্যালয় ডিব্ৰুগড়ৰ চাবুৱাত নিৰ্মাণ হ'ব লগা শ্ৰীশ্ৰী অনিৰুদ্ধদেৱ ক্ৰীড়া বিশ্ববিদ্যালয় । চাবুৱাবাসীৰ বহু প্ৰত্যাশিত অসমৰ প্ৰথমখন ক্ৰীড়া বিশ্ববিদ্যালয় নিৰ্মাণ হ'বলগীয়া স্থান দেওবাৰে পৰিদৰ্শন কৰিলে চাবুৱা বিধায়ক পোনাকন বৰুৱাই ।
বিধায়কগৰাকীয়ে পৰিদৰ্শন কৰি বিশ্ববিদ্যালয় খনৰ নিৰ্মাণকাৰ্য অগ্ৰগতিৰ বুজ লয় । এই বিশ্ববিদ্যালয় খন হ'লে অসমৰ ক্ৰীড়াৰ আন্তঃগাঁথনি উন্নীত হোৱাৰ লগতে চাবুৱাৰ উন্নয়নতো ব্যাপক প্ৰভাৱ পেলাব। উল্লেখ্য যে, শ্ৰী শ্ৰী অনিৰুদ্ধদেৱ ক্ৰীড়া বিশ্ববিদ্যালয় ডিব্ৰুগড় জিলাৰ চাবুৱাত অৱস্থিত এখন ৰাজ্যিক ক্ৰীড়া বিশ্ববিদ্যালয়।