মৰাণ,৬ মাৰ্চঃপৰিৱৰ্তনৰ প্ৰতিশ্ৰুতি প্ৰদান কৰা বিজেপিৰ মিত্ৰজোঁটৰ চৰকাৰখনে চাৰিটা কাৰ্যকাল পাৰ হোৱাৰ পাছতো চাহ বাগিচাৰ কৰ্মচাৰীসকলক প্ৰাপ্য মজুৰি নিদিয়াৰ অভিযোগ উত্থাপিত হৈছে ৷ যাৰ বাবে শ্ৰমিকে আন্দোলন কৰিব লগা পৰিৱেশ সৃষ্টি হৈছে । চাহ শ্ৰমিকৰ জীৱনৰ মানদণ্ড উন্নয়নৰ বাবে গ্ৰহণ কৰা আঁচনি সমূহত বাস্তৱত ৰূপায়িত নহ’ল ৷ অসমৰ বিভিন্ন চাহ বাগিচা সমূহৰ সমান্তৰালভাৱে শ্ৰমিকৰ দৈনিক মজুৰি ৪০০ টকালৈ বৃদ্ধি, শ্ৰমিকৰ অনাদায় পি এফৰ ধন, জমা কৰা শ্ৰমিকৰ বকেয়া গ্ৰেচুইটি ধন আৰু অন্যান্য সা-সুবিধাসমূহ আদায় দিয়াৰ দাবীত শুকুৰবাৰে অসম চাহ জনজাতি ছাত্র সন্থা(আটছা)ৰ মৰাণ শাখাৰ অন্তৰ্গত বামুণবাৰী উপ-শাখাই বামুণবাৰী চাহ বাগিচাত ২ ঘণ্টীয়া ধৰ্ণা কাৰ্যসূচী ৰূপায়ণ কৰে ।
চৰকাৰৰ বিৰুদ্ধে মৰাণৰ চাহ শ্ৰমিক